TSUPER TI TRICYCLE ITI ILOCOS NORTE NAKAAWAT ITI TULONG PINANSIAL, GAS VOUCHERS, INSURANCE

April 27, 2022 Headlines

SIUDAD TI BAGUIO – Dagiti tsuper ti public utility vehicles iti Ilocos Norte ket maitultuloy a makaawat iti “three-in-one” a tulong manipud iti gobierno ti probinsia tapno matulonganda a makabawi ita a tiempo ti pannubok.
Naiyusuat idi Oktubre iti napan a tawen, tunggal benepisario iti Pantawid Pasada program ti gobierno iti Ilocos Norte ket adda karebbenganna a makaala iti maysa a fuel voucher nga aggatad PhP1,000, accident insurance, ken PhP3,000 cash assistance.
Imbaga ni Reylito Gonzales idi Huebes, presidente iti Tricycle Operators and Drivers Association iti ili ti Currimao nga addaan 236 aktibo a
miembro, nga agyamanda a naragpatda iti gobierno tapno maipaayanda ti tulong.
Iti grupo ni Gonzales ket karaman iti nasurok 18,000 tsuper iti tricycle ken jeepney iti probinsia a agtultuloy a mangmangted iti pangpubliko a lugan iti tengnga iti maysa a sangalubongan a krisis iti salun-at ken napegges nga ingangato dagiti presio ti krudo “Agyaman kami ta dumdumngeg ti gobierno tayo ken agaramid iti pamuspusan tapno tulongan dakami iti daytoy a krisis,” kunana.
Addaan iti umuna a badyet a PhP20 milion, maited iti fuel subsidies iti amin a tsuper ti public utility vehicle (PUV) ken operators a kameng iti Metro Ilocos Norte Council (MINC) a madama nga ipatpatungpalna iti programa a Pantawid Pasada iti gobierno ti probinsia uray sakbay pay iti ingangato dagiti presio ti krudo.
Iti programa ket supsuportaran dagiti nakipaset gasolinaan nga mangsupsuplay iti tunggal tsuper iti tricycle ken jeepney nga adda PhP1,000 ken PhP1,500 gatad iti gasolina sigun ti panagsarunoda.
Agingga ita, dandani amin nga ili ken siudad ti probinsia ket natulonganen, sigun iti MINC. Iti kaudian a grupo ket karaman dagiti tsuper ken operator manipud kadagiti ili ti Currimao, Bangui, Bacarra, Burgos, Marcos, Dingras, ken Laoag City.
Kabayatanna, iti MINC card nga addaan accident insurance ket agkurri iti maysa a tawen. Iti nakaiggem iti card ket adda karebbenganna iti health ken medical insurance nga agingga PhP50,000 a coverage, kasta met kas maysa a gas voucher.
Dagiti tsuper a benepisario ket makaawat iti 8 porsiento agingga 10 porsiento a diskuento iti gatangenda kadagiti kakadua a drugstore.
“We developed this program in consideration of the risk that they (drivers) encounter every day on their operations in transporting the riding public(napataudmi daytoy a programa gapu iti peggad nga inaldaw a sabsabaten dagiti tsuper bayat iti operasionda a mangitluod kadagiti agluglugan a publiko),” kuna ni adogada Athena Nicolette Pilar, administrative officer V iti MINC.
(LA-PNA Ilocos/PMCJr.-ABN)