3,700 ektaria a kabakiran puntiria nga mulaan iti kaykayo ti DENR-1 daytoy 2021

June 12, 2021 Headlines

SIUDAD TI SAN FERNANDO, La Union – Puntiria ti Department of Environment and Natural Resources iti Ilocos (DENR-1) nga agmula iti kaykayo iti 3,700 ektaria a kabakiran daytoy a tawen.
Iti nasao nga puntiria ket naipakaammo bayat ti Kapihan sa Ilocos a programa iti Philippine Information Agency-Region 1 idi Hunio 4 a kas iti DENR-1 ti sangaili nga ahensia iti panangrugi a selebrasion iti 2021 Philippine Environment Month nga addaan tema a : ”Sama-samang Pagkilos, Sama-samang Paghilom, Ikaw, Ako, Tayo ang Kalikasan.”
Sigun kenni DENR-1 Assistant Regional Director for Technical Services ken incharge iti Office of the Regional Executive Director Felix Taguba, “In compliance with Executive Order No. 26 or the National Greening Program (NGP), from 2011 to 2020, we were able to cover 91,841 hectares or equivalent to 80,000,847 seedlings planted.”
Maysa pay, kinunana nga gapo iti panggep ti NGP nga agmula iti 1.5 bilion a kaykayo iti 1.5 bilion nga ektaria ti daga iti publiko a pagturayan para iti periodo nga innem a tawen iti intero a pagilian, ipatpatungpal ti DENR-1 dagiti saba-sabali a programa tapno maragpat iti puntiria nga kadua dagiti partner agencies.
“Some of the NGPs objective is to reduce poverty in the upland areas, be able to provide food security to the people, for environmental stability and biodiversity conservation, and most importantly mitigation and adaptation to climate change,” kuna ni Taguba.
Kinuna ni Taguba nga iti Executive Order No. 193 wenno Enhanced NGP, nga napirmaan idi Nobiembre 12, 2015 ket mangpabaliw iti amin a nabatbati nga di nadam-eg, nakalbo ken nadadael nga kabakiran nga napattapatta a 7.1 milion ektaria manipud tawtawen 2016 agingga 2028.
Imbagana nga babaen iti suporta dagiti kakadua ti DENR ken iti komunidad, iti nasao a puntiria ket saan nga imposible nga maragpat.
Iti NGP, kas banner program ti DENR, ket maysa a convergence initiative kadua iti Department of Agriculture ken iti Department of Agrarian Reform, nga ti DENR iti tumaktakder a kas dangulo nga ahensia.
Kabayatanna, impalagip met ni DENR Environmental Management Bureau Regional Director Engr. Ma. Dorica Naz-Hipe kadagiti local government units (LGUs) nga agtulnogda iti Republic Act (RA) 9003 wenno iti Solid Waste Management Act of 2000 bayat iti nasao a programa.
“It is fortunate that some of the LGUs in the Ilocos region, which have non-compliant dumpsites, have the initiative to voluntarily discontinue their operations and did not wait for a cease and decease order from our agency to act on the matter, since they already know that our agency is strictly implementing the law,” kuna ni Hipe.
Ited ti RA 9003 iti kasapulan a policy framework, institutional mechanisms ken mandato kadagiti LGU tapno maragpat iti 25 porsiento a panangpababa iti basura babaen iti panangpatakder iti integrated solid waste management plan nga maibasar iti 3Rs (reduce, reuse and recycling).
(AHFF-PIA-1/PMCJr.-ABN)