42 miembro ti UGMO imbabawida iti suportada ti CPPNPA

October 24, 2020 Headlines

NARVACAN, Ilocos Sur – Uppat a pulo ket dua a miembro ti underground mass organizations (UGMO) iti Ilocos Sur ti nangibabawi iti suportada ti New People’s Army (NPA) ken nagspata iti kinasungoda iti gobierno iti maysa a seremonia nga naaramid sadiay Barangay Hall ti Cadacad ditoy idi Oktubre 15.
Sigun ti kinuna ni 81st Infantry Battalion (81IB) Commanding Officer, Lt. Col. Rodrigo Mariñas Jr. nga kaaduan iti 42 a miembro ti UGMO ket manipud sektor ti mannalon ken babbai.
“It is alarming to know how the NPA exploited and deceived our farmers and women in the countryside and used them to advance their political interest. But the deceived people are now awakened and have severed their ties with the bandits,” kuna ni Lt. Col. Mariñas.
Iti 42 ket buklen iti dua a Sangay ng Partido sa Lokalidad (SPL); 20 manipud Pambansang Katipunan ng Magbubukid (PKM); 15 manipud Malayang Kilusan ng Bagong Kababaihan (MAKIBAKA); ken lima manipud kabataang Makabayan.
Iti seremonia ket indanguluan ni Narvacan Councilor Zalady Clarin nga isu’t chairman iti committee on peace and order.
Umuna ditoy, 25 miembro ti UGMO sadiay Sta. Maria, Ilocos Sur ket imbabawi da met iti suportada iti NPA. Inabrasa ni Major General Alfredo Rosario Jr., Commander iti 7th Infantry Division ti Army dagiti 42 dati a miembro ti UGMO ken umaw-awag kadagiti sabali pay a miembro nga ibbatandan iti pannakaikamengda iti Communist Party of the Philippines-NPA.
“The continuous withdrawal of support of UGMO members in Ilocos Sur is a manifestation of weakened NPA mass-based support that will eventually lead to the collapse of the group in the province,” kuna ni Maj. Gen. Rosario.
Kabayatanna, dinayaw ni Brigadier General Audrey Pasia, Commander ti 702nd Infantry Brigade ti Army iti nagkuyog panagregget ti 81IB ken 69IB iti panakaipatungpal ti Community Support Program kadagiti barangay nga nagresulta ti ibabawi ti suporta dagiti dati a miembro ti UGMO.
“The implementation of the Army’s program in the communities is crucial as we aim to save more people against the deception and exploitation of the bandits. Aside from that, we are also preventing their criminal activities in the community,” kinuna ni Brig. Gen. Pasia.
AMB-PIA IS/PMCJr.-ABN