Bantay, Ilocos Sur indeklara na ti NPA kas ‘persona non grata’

August 19, 2019 Provincial

BANTAY, Ilocos Sur – Indeklara dagiti opisial ti ili ti Bantay, Iocos Sur dagiti rebelde a New People’s Army (NPA) kas “persona non grata” (saan a maikabkabilang) tapno malapeddan ti posible nga iseserrek ti terorismo iti lugar.

Kinuna ni Lieutenant Colonel Charles Castillo, commander ti 81st Infantry Battalion ti Army nga sangsangkamaysa nga inanamongan dagiti konsehal iti panangdangulo ni Vice Mayor William Pre idi Hulio 1, 2019 iti maysa a resolusion ti Joint Regional Peace and Order Council-Regional Development Council (RPOC-RDC) Resolution No. 1, Series of 2019 nga mangkondenar iti terorista nga CPP-NPA ken ideklara dagitoy a “persona non grata” iti intero a Rehion 1.

Naaprubaran iti joint RPOC-RDC resolution iti Marso 29, 2019 sadiay Siudad ti San Fernando, La Union. Sakbay daytoy, dagiti lokal nga opisial dagiti ili ti Sta. Cruz ken Suyo kasta met ti Siudad ti Candon, ken 11 barangay ti Ilocos Sur ket nagdeklara met nga “persona non grata” dagiti rebelde nga NPA.

Idi Marso 29, 2019, indeklara dagiti miembro ti Provincial Peace and Order Council (PPOC) iti Ilocos Sur nga indanguluan ni Governor Ryan Luis Singson dagiti rebelde nga NPA kas “persona non grata” sadiay probinsia kalpasan nga maanamongan iti maysa a resolusion kabayatan iti pangataripnong da.

“Our town is one of the stable municipalities in terms of peace and order situation in Ilocos Sur, and we will not let the entry of the problem on insurgency in our place,” kinuna ni Pre iti maysa ng interbiu ti telepono.

Kinuna ni Pre nga iti rangta ti panangkondenar ti Communist Party of the Philippines-New People’s Army (CPP NPA) nga terorista ken panangdeklara kadakuada nga persona non grata sadiay ili da ket tapno agtaginayon ti kinatalna ken malappedan dagiti rebelde nga serreken dagiti sabasabali a sektor iti lugar da.

Kabayatan na, inyebkas ni Castillo iti panagyaman na kadagiti opisial iti munisipalidad ti Bantay iti panangdeklara da kadagiti rebelde nga NPA kas “persona non grata” sadiay ili.

“We are thankful as more areas in the province of Ilocos Sur have declared the CPP-NPA terrorists as persona non grata,” kuna ni Castillo.

Kinuna na nga iti addang nga inaramid dagiti LGU sadiay Ilocos Sur ket maysa nga pagilasinan nga dagiti umili ket ammodan dagiti epekto ti kaadda dagiti CPP-NPA nga terorista ken dagiti manangallilaw ken nadangkok nga pamay-an da sadiay lugar.

“As stated in the Executive Order 70 or the whole of nation approach to end the local communist arm conflict, cooperation and unity are the greatest weapons in sustaining the peace and development in our country,” kuna ni Castillo.

AMB/FGL, PIA 1/PMCJr.-ABN