Barangay kagawad, napapatay iti La Union

August 1, 2018 Headlines

CAMP BGEN OSCAR M FLORENDO – Natay ti maysa a barangay kagawad ti Brgy. Poblacion, Tubao, La Union kalpasan a pinalpaltugan daytoy dagiti saan pay a nabigbig nga suspek idi rabii ti Hulio 26.
Segun kenni Police Chief Superintendent Romulo E. Sapitula, regional director ti Police Regional Office 1 (PRO1), ti biktima a ni Nielo Figueroa Baltazar ket adda iti uneg ti luganna a Toyota Vios a nakaparada iti sango ti pagtaenganna idi pinalpatugan dagiti suspek a nakalugan iti puraw a van.
Segun iti report ti otoridad, ni Baltazar ket mapapati a konektado iti “Amang Drug Group” iti probinsia ti La Union. Nakalista pay daytoy kas pusher iti drug watchlist ti Tubao.
“Some members of the said drug group were arrested and some died in police operations,” kinuna ni Sapitula.
Innayon ni Sapitula a namandaran dagiti kabangibang nga estasion ti pulis a mangipatungpal iti dragnet operations tapno maaresto dagiti suspek.
Inbilinna ti panakasukimat a nalaing ti nasao a pasamak. ABN