DepEd-1 panggep ti suporta para edukasion iti sidong ti ‘new normal’

June 13, 2020 Headlines

SIUDAD TI SAN FERNANDO – Nangikondukta iti Department of Education (DepEd-1) sadiay Ilocos Region iti duanga- aldaw a webinar para kadagiti nagannak ken dadduma pay a stakeholders nga panggep daytoy nga dawaten iti suportada ken apresasionda iti edukasion iti sidong ti ‘new normal’.
Kinuna ni Abigail Cabilin, project development officer II iti DepEd-1 nga iti webinar manipud Hunio 10 agingga 11 ket naaramid tapno maipasigurado iti panagtuloy ti panagadal iti tengnga ti pandemia ti coronavirus disease 2019 (COVID-19) iti intero a lubong.
“The activity serves as an avenue to discuss challenges in education, strengthen the role of parents and stakeholders in education and work around their fears and anxieties in times of pandemic,” kuna ni Cabilin.
Impadamagna nga dagiti nakipaset para ti webinar ket opisiales manipud DepEd-1, schools division superintendents, chiefs of Schools Governance Operations Division ken Curriculum Implementation Division, Senior Education Program Specialists iti  Social Mobilization Unit and Human Resource, napili a learning facilitators, school heads, Parents-Teachers Association Officers, ken barangay officials.
Dagiti topiko iti webinar ket karaman iti presentasion iti Basic Education Learning Continuity Plan, Challenges in the New Normal Education, ken Roles of DepEd, Parents, and the Community in the New Normal.
Inadawna iti pagsasao ni Education Secretary Leonor Briones, kinuna ni Cabilin nga iti DepEd, kas sibubkel, ket matarusanna dagiti epekto nga inted ti COVID-19 iti edukasion ngem, “we cannot stop learning just because we’re afraid.”
“DepEd Region 1 continues to strengthen collaboration and partnership with the parents and stakeholders to address the challenges and ensure continuous safe learning environment for the learners,” kinuna ni Cabilin.
JND-PIA LU/PMCJr.-ABN