DepEd Ilocos agsagsagana para iti posible a “face to face” manen a klase

March 6, 2021 Headlines

SIUDAD TI LAOAG, Ilocos Norte – Agsagsaganan iti Schools Division of Ilocos Norte (SDOIN) para iti posible a panaglukat manen iti rupan-rupa a panagklase. Sigun kenni Schools Division Superintendent Dr. Joan Corpuz, dagiti school heads ken mannursuro ket nabalakadan a pagtalinaedanda iti kinalinis adda man wenno awan dagiti estudiante.
“Lahat ng ating schools are always on the go if President Rodrigo Duterte approves the conduct of face-to-face classes,” kuna ni Corpuz bayat iti maysa nga outdoor press conference iti schools division office. Iti isasangpet dagiti bakuna ken panagbakuna idi Marso 1 sadiay Metro Manila, mangnamnama iti school’s division superintendent nga iti programa iti panagbakuna sadiay Ilocos Norte ket mangrugi iti mabiit.
Imbinglayna nga dagiti personnel manipud division office ket na-orient iti vaccination program ken dagiti nakipaset ket ipasimudaagda ti tarigagayda nga mabakunaan iti oras nga addan nakasagana a bakuna para iti lokal.
Kalpasan iti bilin ni Presidente Rodrigo Duterte nga itanta manen iti pangsubokan nga pannakaipatungpal manen iti sumagmamano a lugar, imbaga ni Governor Matthew Marcos Manotoc nga kaaduan kadagiti nagannak ken mannursuro iti probinsia ket pabor iti pannakaituloy ti onsite classes para kadagiti ubing iti sumagmamano a lugar nga awanan kaskaso ti COVID-19.
Kinunana a 14 porsiento kadagiti nagannak ken 24 porsiento iti mannursuro ket kontra iti rupan-rupa a klase nga maibasar iti online survey nga inyussuat ti school’s division.
“We will continue to try to provide the best quality education to our kids while ensuring the safety of all. We believe there is a way to do both,” kunana. Idi Marso 1 bayat iti Network Briefing News nga indanguluan ni Presidential Communications Operations Office (PCOO) Secretary Martin Andanar, dinakamat met iti local chief executive ti Castilla, Sorsogon dagiti sentimiento ti kamengna iti bakuna kontra COVID-19.
“Forty percent of the health workers here want to be vaccinated already. Forty percent of our BHERTs (Barangay Health Emergency Response Teams) are willing as well, based on the assessment made by the rural health unit,” kuna ni Mayor Isagani Mendoza. Pagregreggetan iti lokal a gobierno ti Castilla iti pannakaarakid ti infoemation ken education materials tapno maipalawag iti kinapateg ti panagbakuna iti tukad ti barangay ken allukoyen dagiti umili nga agpabakunada tapno maprotektaranda kontra nakaro a komplikasion nga ited ti COVID- 19.
MJTAB-PIA IN/PMCJr.-ABN