Employment Opportunity inbinglay ti DOLE idi naglabas a Labor Day

May 6, 2019 Metro BLISTT

SIUDAD TI BAGUIO – Nadumaduma nga oportunidad iti inbinglay ti Department of Labor and Employment (DOLE) iti naangay nga Job Fair idi naglabas a Labor Day, Mayo 1 sadiay Baguio City National High School.
Nasurok nga lima nga gasot (500) ti naipaay nga trabaho para kadagiti job seekers nga nagturong sadiay nasao nga Job Fair.
Dagiti trabaho nga mabalin nga tarigagayan dagiti agbirbirok ti trabaho ket karaman Costumer Services, ESL Teacher, Cashier, Skilled Workers, Sales Associate Food and Beverage Staff, Book Keeper, Warehouse Staff, Application Developer, ken Bagger.
Mainayon ditoy ti sangapulo ket uppat (14) nga job opportunities para kadagiti mangayat nga agtrabaho sadiay ballasiw taaw. Dagitoy ti nurses, technicians, nursing aid, baker, waiter, factory worker, automobile repair, manufacturing cleaner, ken painter.
Kinuna ni DOLE-CAR Regional Director Ezekiel Ronnie Guzman nga nasayaat met ti Labor Day tatta a tawen.
Kinuna na pay nga naurnos ti panagsagana da para kadagiti job seekers nga nakipaset iti nasao nga Job Fair.
“Huwag po kayong mapamili, kung ano po ang inyong makitang oportunidad ay tanggapin ninyo kaagad. Ang ating mga employer na mga nandito ngayon ay hinihimok po namin kayong damihan po ninyo ang sinasabi nating hired on the spot dahil masisipag at magagaling ang ating mga manggagawang Cordilleran,” kuna ni Guzman iti pagsasao nga Tagalog.
Sigun ti DOLE, addaan tallopulo ket siam (39) pribado nga kompania iti timmabuno idi Labor Day. Kinuna ti ahensia nga naimbag nga maipaayan dagiti agbirbirok iti trabaho iti gundaway tapnu sumayaat met iti kasasaad ti panagbiagda ken ti pamiliada.
 
Jethro N. Faina, UB Intern/ABN