Gob ti La Union maysa kadagiti top 5 performing executives iti intero a pagilian

July 17, 2021 Headlines

SIUDAD TI SAN FERNANDO, La Union – Maysa ni Governor Francisco Emmanuel R. Ortega III kadagiti top five performing governors iti Pilipinas, daytoy ti impakita iti maysa nga independent non-commissioned survey.
Naibatay iti nabiit pay a surbey nga inkondukta ti RP Mission and Development (RPMD) Foundation Inc., ni Ortega ket maikatlo kadagiti 16 regional governors iti intero a pagilian nga addaan 70 porsiento a job approval rating. Sinarunona ni Governor Gwendolyn Garcia nga addaan 77 percent approval rate ken Gobernador ti Iloilo a ni Arthur Defensor nga addaan 72 porsiento.
Mainayon iti listaan iti top five ket isuda Gob Marc Douglas Cagas IV iti Davao del Sur Province nga addaan 67 percent ken Gob Dennis
Pineda iti probinsia ti Pampanga nga addaan iti 62 percent.
“As for the governors, we chose the regional center of the provinces to gather significant data for analysis. We are hoping that this will give our public servants a good insight on how they are doing with their constituents” kuna ni Dr. Paul Martinez iti RPMD iti maysa a panagsao.
Innayonna, “Of the 16 provincial governors representing in every region, 10 achieved a majority high job performance rating while six were not able to attain a majority approval.” Iti Facebook page ni Ortega, maragsakan daytoy iti resulta ti surbey ken iranudna iti naimbag a damage kadagiti umili ti probinsia.
“This is a clear manifestation of the collective efforts we have put in since day one and we have each Kaprobinsiaan to thank for,” kuna ni Ortega iti official Facebook page na.
Bayat nga ibilangna nga iti nasao a panangbigbig kas dakkel a pangabak, kinunana a nasken ti agtultuloy a panangpasayaat ken panagabante nga agtrabaho a sangsangkamaysa tapno maibangon iti nabilbileg a La Union.
“Our unity and teamwork will continue to take our Province of La Union to greater heights,” kuna iti gobernador. Iti surbey nga nangrugi manipud Hunio 10 agingga 25 ket addaan iti 5,000 respondents manipud iti amin a rehion ti pagilian.
Lito M. Camero, (JPD-PIA LU/PMCJr.-ABN)