Ilocos Norte nag order ti 120,000 doses ti bakuna manipud AstraZeneca

January 18, 2021 Headlines

SIUDAD TI LAOAG, Ilocos Norte – Agdagup 120,000 doses iti bakuna para coronavirus disease 2019 (COVID-19) manipud AstraZeneca Pharmaceutical Company iti inorder ti probinsia ti Ilocos Norte nga maipatulid tatta a tawen.
Daytoy ti imparagawag ni Governor Matthew Marcos Manotoc iti maysa a press briefing idi Lunes, Enero 11, nga dinakamatna iti tignay ti gobyerno ti probinsia nga maipasigurado dagiti umuna a dosage ti bakuna para COVID- 19 para kadagiti Ilokano.
“Ours is just minimal amount. It’s not so big. I requested 120,000 doses which is for 60,000 people which is just 10 percent of our population,” kuna ni Governor Manotoc. Linawlawagna pay nga awan iti general vaccination ta iti umuna a paset ti vaccination program ket mabenepisiaran dagiti tattao nga agpeggad, dagiti karaman iti nakakapoy a sektor, ken frontliners.
No idilig iti Pfizer ken Moderna, iti bakuna manipud iti British-Swedish pharmaceutical firm ket nalaklaka ken addaan nababbaba a lower efficacy level. Ngem uray addan sumagmamano a local government units iti intero a pagilian ti nag-pirman iti vaccine orders, ibilbilang ni Manotoc nga iti infection rates iti probinsia nga kunana nga nababa gapu ta adda sumagmamano a lugar iti awan pay nairekord a kaskaso ti COVID-19.
“It was a tough decision for me because there were concerns na hindi siya effective or masyadong maaga. But I did not want to pass up the opportunity na makakuha ng vaccine so I got a small amount first for 60,000 and we will abide by the national guidelines na frontliners, health workers, seniors. May list naman tayo,” innayonna pay. Agingga Enero 11, adda 162 aktibo a kaskaso ti COVID-19, 475 ti immimbag, tallo iti natay ken agdagup 640 ti kompirmado a kaskaso idiay Ilocos Norte.
Linippas ni Manotoc iti press briefing nga addaan namnama nga iti “2021 won’t be defined by COVID-19. Let’s work together towards other goals and accomplishments.”
MJTAB-PIA IN/PMCJr.-ABN