Kalpasan Mayo 13, Gov. Singson nagawag iti ‘Maymaysa nga Ilocos Sur’

May 25, 2019 Headlines

SIUDAD TI VIGAN – “Agmaymaysa tayo ken agtitinnulongtayo para ti patuloy nga panagrang-ay ti probinsia tayo, para iti ‘Maymaysa nga Ilocos Sur’,” daytoy ti kiddaw ni Governor Ryan Luis V. Singson kadagiti umili ken naabak nga kandidato kalpasan nga nagun-od ti Team Bilegna iti 100 porsiyento nga pannangabak idi Mayo13 nga panagbobotos.
Kas bilang ama iti probinsia, kayat na nga situtunos iti probinsia baeten ti panangrisut iti diperensia iti beaten dagiti mayor ken kabalubalda iti napalabas nga eleksion.
“Ikamkampaniak iti ‘Maymaysa nga Ilocos Sur’ gapu ta mamatiak nga nu agkaykaysa tayo, maituloy iti panagrang-ay iti probinsia tayo.
Nalpasen iti eleksion, isu nga kasapulan nga tunggal maysa kadatayo ket makitinnulong nga agturong panagrang-ay iti sumaruno nga tukad,” kunana.
Nangitukon pay isuna iti kapya ken kabsat na nga ni Ronald Singson nga nainget iti balubalda ken 1st district representative candidate ken madama nga kongresista Deogracias Victor Savellano ti Team Bileg. Kasta met nagapelar ni Ryan ken kabsat na nga tumulong iti pannakaurnos iti probinsia kalpasan iti panagririri ti eleksion.
Gapu ta mamati iti kasayaatan, impasigurado na nga iti kappia ti mangabbong manen. Iti sabali nga bangir, nangipatulod ni Vice Governor Jeremias C. Singson iti dispensar na ti aniaman nga sair nga naipaay siasinoman iti kabayatan ti panawen ti eleksion, ken inyawat na ti ima na para iti panagtutunos ta patien na nga iti pagkaykaysa iti umili ket iturong na iti probinsia iti nakarkaro pay nga rang-ay.
Malagip na iti imbaga daydi ama na Maestro Saling idi kaubing na nga politika iti karugitan nga paset iti kagimongan.
“Isu nga mabalin nga arakupen kay amin. Agtitinnulong tayo nga pagkaykaysaen iti probinsia tayo,” kinunana.
Pinasengkedan iti gobernador nga maudin iti termino na iti determinasion na nga palpasen ti amin nga puntiria na para iti panagrang-ay ti probinsia, nga makitinnulong dagiti ahensia manipud pribado nga sektor ken iti gobyerno, kasta met dagiti umili.
Impasigurado na nga adu pay nga programa iti maisangyangkat tapno maibaba pay iti beddeng ti kinapanglaw iti probinsia.
Addaan 100 porsiento a suporta iti umili iti Bileg Party ni Sigson idi Mayo 13 eleksion a kas maipakita iti botos. Amin nga 10 nga kandidato iti partido para Sangguniang Panlalawigan (SP), iti kandidato para bise gobernador, gobernador ken representante para iti umuna ken maikadua nga distrito ket nangabak iti nangato a baet iti botos.
Gapuna daytoy, impasigurado ni Singson kadagiti umili nga naimbag nga mabantayan dagiti maaramid dagitoy nga opisial publiko, saan laeng nga mapaneknekan iti pammati dagiti tao kadakuada ngem kasta met masigurado nga iti panagrang-ay ket maituloy nga ngumato.
Dagiti nangabak nga kandidato iti Bileg ket ni madama nga bise gobernador Jeremias C. Singson, first district representative Deogracias Victor Savellano, ken iti damo nga representante nga babae iti probinsia, Kristine Singson para iti second district, anak ni incumbent Eric Singson.
Para iti miembro ti SP iti umuna a distrito, isuda incumbent Mika Mendoza; Efren Rafanan Sr.; Ronnie Rapanut; Topeng Baterina; ken Constante Oandasan.
Para met iti maikadua ng distrito, isuda Jimboy Singson; Pablito Sanidad, Jr.; Gina Cordero; ken Mildred Elaydo.
Ni Ben Maggay, dati nga Mayor ti Cervantes, ti kabaruan nga opisyal ti maikadua nga distrito ken maysa met a kameng iti team Bileg.
 
PIA-IS/PMCJr./ABN