Magalong, inkari na ti suporta na iti Cordillera autonomy

July 21, 2019 Provincial

SIUDAD TI TABUK, Kalinga – Impasigurado ni Baguio City Mayor Benjamin Magalong kadagiti mangitantandudo ti otonomiya iti naan-anay a suporta dagiti opisial ti gobierno ti siudad para iti napabileg nga panagregget para iti regional autonomy tapno makarubuat iti rehion iti nasaysayaat a ragpat ti panagrang-ay.

Kaduana dagiti 51-miembro ti delegasion manipud Baguio ket dimmar-ay ni Mayor Magalong iti 32nd Cordillera Administrative Region (CAR) founding anniversary iti panagsangaili ti Kalinga provincial government ken ti infrastructure committee iti Regional Development Council (RDC) ti Cordillera idi Lunes, Hulio 15, 2019.

“As a Cordilleran by choice, I fully support the quest for autonomy primarily due to its expected positive effects in enhancing bottoms-up governance. Our diverse culture and heritage should serve as the unifying factor in our common struggle for self-rule.

Let us use our commonalities in beefing up the snowballing autonomy movement for us to convince the members of the 18th Congress to pass the long overdue organic act and for President Rodrigo Duterte to certify the autonomy bill as a priority administration measure.

Everything is not actually lost in our cause,” kuna ni Mayor Magalong. Siniguro ti mayor nga aramiden dagiti opisial ti siudad ti biang da tapno maawatan dagiti umili ti pudno nga anag ken pateg ti otonomia, nangruna ti panangbukel ti karta para iti sapasap a panagrang-ay iti rehion, tapno bumotos da para iti ratipikasion ti maikatlo nga Organic Act tiempo nga maisumitir daytoy kadagiti Cordilleran para iti ratipikasion nga manggarantia iti panagkaykaysa iti rehion nga adda sidong ti agbukubukod nga estado.

Binigbig ken pinagyamanan ni Magalong ni dati nga mayor Mauricio Domogan nga nangidangulo iti RDC ken Regional Peace and Order Council (RPOC) gapu ta insagana na iti narangrang nga tarigagay ti rehion para iti panagbukbukod, nga awan duadua nga inranud na iti napateg nga kabaelan na tapno mapadur-as ti riaw ti rehion agingga intero a pagilian nga maysa met a napeklan a mangitantandudo iti panagbukbukod.

Sigun kenkuana, iti Cordillera ken Muslim Mindanao nga rehion laeng ditoy pagilian ti naikkan ti otoridad nga mangitakder iti autonomous region nga naibugas iti maitutop nga probision ti 1987 constitution.

Nupay kasta, namidua nga inlaksid dagiti Cordilleran iti autonomy laws nga nabukel para iti panggep daytoy gapu iti nadumaduma a rason yantangay nga dagiti kakabsat nga Muslim ket adayon iti naragpat da para iti panagbukbukod da a rehion nga maawagan itan nga Bangsamoro Autonomous Region in Muslim Mindanao.

Kinuna ni Magalong nga baeten ti nabara a tarigagay dagiti mammanday linteg tayo ditoy Cordillera nga iduron iti panakaipasar iti organic act para iti Cordilera, kuyog iti naringbaw a suporta dagiti umili ket nalabit nga magun-od tayo iti bukod tayo nga autonomous region iti mabiit.

DS-PIO/PMCJr.-ABN