MANNALON TI ILOCOS NORTE AGAPIT MANIPUD RICE HYBRID PROJECT

September 17, 2022 Headlines

SUIDAD TI LAOAG, Ilocos Norte-Dagiti mannalon a nalipaset iti maysa a 160- hectare hybrid rice cluster
technology demonstration project sadiay Ilocos Norte ket agapiten iti mulada inton sumaruno a lawas.
Ipalgak dagiti nadumaduma a teknolohia ti panangpataud iti bagas nga araramaten iti 28 hybrid rice
varieties ken dua nga inbred varieties, iti techno demo project ket manamnama a maala iti puntiria nga apit a 8 agingga 10 metriko tonelada iti bagas tunggal ektaria.

Nakipasetan iti dadup 11 pribado a kompania, kadua iti Philippine-Sino Center for Agricultural Technology ken Philippine Rice Research Institute ken innem a nutrient companies, iti techno demo ket pakaramanan iti 230 farmer cooperators iti Zanjera de Sales Irrigators Association. “It is a good project considering it’s for the second crop. The hybrid rice program will surely increase the production of our farmers and it can be adopted as a national project,” kuna ni Undersecretary Domingo Panganiban iti maysa nga interbiu idi Huebes kalpasan iti panagbisitana iti demo farm idiay Barangay Cabaruan, ili ti Bacarra.

Imbaga ni Edwin Cariño, technical consultant in agriculture ni Ilocos Norte First District Representative
Ferdinand Alexander Marcos, nga mangnamnama daytoy nga iti bastante-ti-bagas a probinbsia ti Ilocos Norte ket makaeksport iti bagas iti kabiitan babaem dagiti baro a teknolohia iti sidong ti hybrid rice program
iti gobierno.

“We don’t have to worry about the technical aspect because our farmers are already technically capable as shown by the standing crops in the techno-demo,” kuna ni Cariño nga impaganetgetna iti pakasapulan para iti dakdakkel a pannakikappon iti nagbaetan dagiti local government units, naorganisa a grupo dagiti mannalon ken asosasion, ken dagiti pribado a kompania ti bukel.

Imbaga ni Cariño nga kasapulan iti pannakikappon tapno maparnuay dagiti kasapulan a teknikal a paglaingan dagiti local agriculture extension workers a mangyadelantar a tulongan dagiti mannalon iti pannakagunod iti dakdakkel a produksion ken sapol. Dagiti mannalon kas ni Jun Viernes ket agyaman iti
pannakipasetna iti proyekto ken nakasursuro kadagiti baro a pamay-an tapno mapabassit iti gastos babaen iti umiso a tiempo ken kusto nga aplikasion ti abono.

“Dati-rati, sa paglalagay ng abono ay minsanan lang at tinotodo na namin hanggang sa anihin ang aming palay. Buti na lang at nakasama kami sa hybrid rice cluster techno demo at natutunan namin ang tamang klase, tamang dami at tamang panahon ng paglalagay ng abono, kunana. “Inspirado kami a makakita
kadagiti mannalon tayo nga agtrabaho a sangsangkamaysa tapno ipakita a maymaysa tayo a makagun-od iti Masagana 200 a panggep. Pudno a makaadayo tay pay no agtrabaho tayo a sangsangkamaysa,” kuna ni provincial board member Jonathan Torallba, chairperson iti committee on agriculture iti Sangguniang Panlalawigan.

Kabayatanna, imbaga ni Recher Ondap, National Rice Board president, nga iti proyekto ket nangted iti maysa dalan para kadagiti ad-adu a mannalon nga agmula iti hybrid rice. “We need to continuously do this kind of activity all over the regions if we want to truly help our country do away with rice importation”, kunana. Impaganetgetna iti pakasapulan nga ingato ti pagilian iti produksion iti bagas tapno maipasigurado iti umdas a suplay ti bagas para kadagiti Filipino, nangruna ta dagiti kangrunaan nga pagilian nga aglaklako ti bagas kas iti India, China, Vietnam ken Thailand ket kissayandan iti kinaadu ti bagas nga ilakoda.

Inulit ni Frisco Malabanan, DA consultant iti National Rice Program iti pannakasurot iti maysa a “complete value chain approach” iti produksion ti bagas babaen iti rimmuok (clustering) no sadina a dagiti ibaballaet ket nakasentro kadagiti mannalon. Inyebkas ni Malabanan iti namnama nga agbumar met dagiti mannalon manipud iti benneg ti agribusiness no sadino a dagiti kooperatiba ket mapabileg a gumatang iti apit dagiti miembro a mannalon bagas man daytoy wenno palay ken makipaset kadagiti
makanayon-pateg nga aktibidades para iti nasaysayaat a birok.

Iti hybrid rice utilization rates dagiti dadduma a probinsia ket nababbaba pay laeng iti 40 porsiento ken Ilocos Norte laeng iti nakaragpat iti nangato a 72 porsiento. Imbaga ni Dawayan nga iti hybrid rice utilization iti rehion ket mabalin pay a maingato babaen kadagiti aktibidad kas iti hybrid rice cluster techno forum. Imbagana nga iti panangitandudo iti hybrid rice production babaen iti techno demo ket maysa a kangrunaan nga estratehia iti pannakagunod iti apit a 200 cavan tunggal ektaria, iti kangrunaan a
panggep iti Masagana 200 program iti madama nga administrasion ti DA.

(LA-PNA Ilocos/PMCJr.-ABN)