Mannalon ti La Union makaawat iti PhP5,000 tulong manipud DA

May 31, 2020 Headlines

SIUDAD TI SAN FERNANDO – Agadup 36,791 mannalon ti pagay iti probinsiya ti La Union iti makaawat ti tulong pinansial a PhP5,000 tunggal maysa manipud Department of Agriculture (DA) iti Ilocos iti sidong ti Financial Subsidy for Rice Farmers (FSRF) program.
Daytoy ket maysa a “onetime assistance” para laeng kadagiti mannalon nga agtaltalon iti maysa nga ektaria pababa nga bangkag.
Dagiti benepisario ket nasken nga agparehistro iti Registry System for Basic Sector in Agriculture (RSBA) babaen iti Municipal Agriculturist Office iti local government units (LGUs).
“Tulad ng Social Amelioration Program ng Department of Social Welfare and Development, kami po sa DA ay mayroong binibigay na cash assistance sa FSRF.
Kailangan lang nilang magpaenroll sa RSBA sa kanilang mga munisipyo para sila ay magqualify as beneficiary.
Ang RSBA kasi ang magiging database na isusumite ng mga LGU sa DA regional office na ipapasa naman sa central office for the funding of allocation,” kuna ni Regional Information Officer Vida Cacal iti maysa nga interbiu idi Mayo 23.
Nasken nga mangiprisinta dagiti mannalon iti maysa a valid identification card wenno voter’s registration form nu agaplayda ken aniaman a legal nga dokumento, titulo man daytoy ti daga wenno sertipikasion manipud iti barangay captainda, kas paneknek iti lugar ti talonda.
“Mahigpit ang proseso ng pagsala ng mga recipients.
From municipal level to regional office ay nasasala ng mabuti ‘yan. At pagdating sa Central Office ay muling susuriin para malinis na ang data o listahan pagdating ng payout,” innayon ni Cacal.
Agtultuloy iti panagibunong nga nangrugi idi Mayo 16. Daytoy ket panagtinnulong dagiti LGUs ken iti Landbank of the Philippines.
Agingga Mayo 22, addan 9,137 mannalon manipud 11 munisipalidad iti probinsiya nga naikkanen iti nasao nga pinansial a tulong.
Kaadduan nga nankagunod ket manipud ili ti San Juan nga addaan 2,300 bayat nga iti munisipalidad ti Pugo ket kabassitan iti nagparehistro nga addaan laeng 1,384.
Kabayatanna, kinumpirma ni Cacal iti PhP762.6 milion nga nailatang a badyet para mannalon ti pagay iti rehion Ilocos.
CGRC-PIA LU/PMCJr.-ABN