NFA-Western Pangasinan gumatangen ti palay

March 23, 2019 Headlines

DAGUPAN CITY, Pangasinan – Nakasaganan ti National Food Authority (NFA)-Western Pangasinan nga gumatang iti palay daytoy maikadua nga panawen ti panag-ani.
Kinuna ni NFA-Western Pangasinan provincial manager Ramon Cuaresma nga daytoy nga addang ket suporta iti panggep ti administrasyon nga mangted ti nakasagana nga merkado kadagiti mannalon ken tapnu maipaayanda met ti nasaysayaat nga kita kangrunaan nu iti ex-farm price ti palay ket nakarkaro nga nababa ti presiona kupara presio ti gobyerno.
Gumatgatang ti NFA iti palay iti support price nga PhP17.00/kilogram inayun pay ti PhP0.20/kg drying incentive; PhP0.20-PhP0.50/kg delivery incentive depende ti kinaadayo manipud farm agingga collecting point/NFA warehouse; PhP0.30/kg Cooperative Development Incentive Fund; ken iti PhP3.00/kg Buffer Stocking Incentive (BSI).
Kinuna ni Cuaresma nga iti nainayun nga BSI ket kas panangannurot iti direktiba ni Presidente Rodrigo R. Duterte nga ingato iti rice buffer stock ti NFA umuna baiten ti local palay buying.
Iti pannaka-apruba ti Republic Act 11203 wenno iti Rice Liberalization Law ket napabassitna ti trabaho ti NFA, gapuna daytoy ket naisentro ti focus ti ahensia iti buffer stocking para iti kalamidad ken emergencies, ken kasta met sourcing ti buffer stocks manipud kadagiti lokal nga mannalon.
Kinuna ti NFA nga dagiti farmer’s organizations ken indibidual nga mannalon ket mabalinda nga ideliver ti palayda kadagiti sumaganad nga warehouses: Alaminos GID Warehouse sadiay Brgy.
Pandayan, Alaminos City; Mangatarem GID Warehouse Brgy. Umangan, Mangatarem; Ferrer Warehouse sadiay Brgy. Maniboc, Lingayen; ken Unique Warehouse sadiay Brgy. Malabago, Mangaldan.
Para iti nayon nga saludsod iti panaggatang ti palay, dagiti interesado nga farmer’s organizations ken indibidual ket mabalinda nga kontaken ti NFA office sadiay Lingayen wenno umawag iti telepono numero 542-4154 and 542-4366.
 
PIA Pangasinan/PMCJr. (ABN)