NTA-Ilocos Norte nangbangon iti tobacco monitoring points

May 1, 2021 Headlines

SIUDAD TI BATAC, Ilocos Norte – Nangibangon iti National Tobacco Administration (NTA) iti maysa a tobacoo monitoring point asideg ti dua a kangrunaan a pagruaran sadiay Ilocos Norte tapno nainget a mapaliiw iti panangibiahe ti tabako iti ruar ti probinsia.
Sigun kenni NTA Ilocos Norte Officer-In-Charge Luzviminda U. Pagayao, iti dua a tobacco monitoring points ket adda idiay ili ti Nueva Era para iti beddeng ti Ilocos Norte-Abra ken ili ti Badoc para iti beddeng ti Ilocos Norte-Ilocos Sur.
“This initiative will help identify the accurate tobacco production data of every local government unit (LGU) in Ilocos Norte in which this is the basis for the distribution of an equitable share from the tobacco excise tax fund under Republic Acts 7171 and 8240,” kuna ni Padayao.
Kinunana nga dagiti monitoring points ket agserbi a kas maysa a protocol tapno maipasigurado nga iti produksion ti tabako sadiay Ilocos Norte ket siuumiso a maidokumentar, ken pannakasukimat nu dagiti gumatang iti tabako nga mangibiahe ket addaan ti umiso a dokumento nga inted ti NTA.
“We can also check if the leaf buyers involved in the transport have the certificate of authority to buy issued by the NTA,” innayonna. Kinunana nga nasken a mangipresentar dagiti lumalayag ti bulong ti tabako iti checkpoint dagiti sumaganad a dokumento : License/COA (certificate of authority), wenno proof of registration, Permit to Transport Certificates on Inspection Copies, Consolidated Purchase Invoice Vouchers (para kadagiti Buying Stations), ken Consolidated Certificate of Purchases (para field canvassers).
“The passing-through trucks of tobacco in Badoc monitoring point are normally delivering to buying stations and other licensed buyers in Ilocos Sur and La Union,” kuna ni Padayao. Iti panangpatakder iti tobacco monitoring point ket naaramid babaen iti pannakitinnulong dagiti autoridad manipud iti gobierno ti probinsia ti Ilocos Norte, iti League of Municipalities of the Philippines, iti NTA, ken iti lokal a Philippine National Police (PNP).
(FGL-PIA1/PMCJr.-ABN)