Rehion 1 maikalima nga kangatuan kaso ti rabies ti intero a pagilian

March 31, 2019 Community Billboard

CIUDAD TI SAN FERNANDO, La Union – Maikalima ti Rehiyon 1 nga adaan kangatuan nga kaso ti human rabies iti intero a pagilian iti tawen 2018.

Daytoy ti impakaammo dagiti resource persons manipud Department of Health (DOH) Region 1 iti kalkalpas nga paset ti Kapihan sa Ilocos iti Philippine Information Agency.

Kinuna ni Dr. Jimuel Cardenas, chief of local health support division ti DOH-1 nga dagiti kaso ti rabies iti rehion ket maikonsidera nga makapadanag nangruna ta manipud Enero 1, 2019 agingga Marso 27, 2019, innem ti pimmusay gapu ti human rabies iti nailanadden. Adaan lima nga kaso iti Pangasinan ken maysa nga kaso iti La Union.

“Iti bilang ti natay daytoy nga kakapat ket asideg ti kagudua iti pakadagupan nga kaso iti naipadamag intero nga tawen ti 2018 nga 20 natay,” kuna ni Cardenas.

Iti kaso ti natay idi napalabas nga tawen, 13 ket manipud Pangasinan, uppat sadiay La Union, ken tallo manipud Ilocos Sur. Awan met natay sadiay Ilocos Norte.

“Dagiti tawen iti kaskaso idi 2018 ket siam agingga 87 nga tawen,” kuna ni Cardenas. Daytoy ti makagapu nga aw-awagan ti DOH ti kagimongan nga suportaran ti panagregget ti gobyerno nga mangparmek ti rabies ditoy rehion.

Kuna pay ni Cardenas nga iti naan-anay nga pannakaipatungpal ti Republic Act 9482 wenno iti Anti Rabies Act of 2007 ket isu ti tulbek tapno marisut daytoy nga isyu ti rabies.

“Imbinsabinsa ti linteg dagiti pagrebbengan dagiti pet owners, local government units, ken tulong manipud non-government organizations ken academia,” kunana.

Innayonna, “Amin nga paset ket nasken nga agtataripnong tapnu maliklikan ken makontrol ti rabies saan laeng ditoy rehion ngem iti intero nga pagilian.”

Kabayatanna, kinuna ni Dr. Julien Joan Lud-ayen, chief of infectious disease unit ti DOH- 1 nga masapul met nga agannad ti Rehion 1 iti bilang ti kagat dagiti animal.

Kinunana na idi 2018, adda 75,329 kaso ti kagat ti animal sadiay rehion ket kasta met nagparang nga iti Pangasinan ti maikadua ti intero nga pagilian nga addaan 50,385 nga kaso.

“Kaadduan nga kagat ti animal ket nasurok nga 15 anyos nga 59 porsiento,” kuna ni Ludayen. Nangted pammaregta ni Lud-ayen kadagiti biktima ti kagat ti animal nga dagus nga ugasanda iti naimpeksion nga parte iti sabon ken agay-ayus nga danum ken mapan iti kaasideggan nga Animal Bite Treatment Centers para iti uppat nga dosis ti bakuna.

Kada bulan ti Marso ti panangalagad iti Rabies Awareness Month maigapu iti Executive Order No. 84 nga pinirmaan ni dati Presidente Joseph Estrada idi Marso 13,
1999.

Iti tema para daytoy nga tawen ket “Makiisa sa barangayan kontra rabies, maging responsableng pet owner.”

(PIA-1/ABN)