S-PaSS naan-anayen a nainplementar iti Ilocos Region – DOST

May 8, 2021 Headlines

SIUDAD TI SAN FERNANDO, La Union – Kinuna ti Department of Science and Technology (DOST) sadiay Region 1 nga amin a probinsia iti rehion karaman iti agsolsolo a siudad daytoy ket naan-anayen a naimplementar iti pannakausar ti online travel management systems a maawagan nga “SpaSS”.
Iti S-PaSS wenno iti Safe, Swift, and Smart Passage ket iti opisial nga online online travel and mobility management system iti pagilian nga innaramid ti DOST a panggep nga mapalag-an iti panagbiahe dagiti Filipino iti tengnge ti community quarantine restrictions nga inted ti pandemia.
“Activated na ang S-paSS sa buong apat na probinsya ng Region 1 kasama na ang Dagupan City,” kuna ni Michael John Maquiling ti DOST iti maysa a gimong ti Regional Incident Management Team idi napalabas a Biernes.
Agingga Abril 30, damo a nairekord ti DOST iti agdagup 92,661 nga agus-usar iti S-PaSS idiay Ilocos.
Natignay ti DOST iti dagup 37,534 S-PaSS users sadiay Ilocos Sur; 9, 551 idiay Ilocos
Norte; 28, 262 idiayLa Union; ken 16, 664 sadiay Pangasinan. Gapu iti daytoy, maikapat iti saad ti rehion iti intero a pagilian nu panakaimplementar iti S-PaSS ti pagsaritaan.
Maysa pay, inulit ni Maquiling nga iti Sistema ket mangi-isyu iti maysa a travel coordination permit (TCP) wenno travel pass-through permit (TPP) nu sadino nga usaren iti agbiahe nu iti destinasionna ket addaan iti strict travel wenno border policy control.
“For S-paSS, ang gagamitin po ng traveler ay yung TCP o TPP at hindi yung QR code because the individual QR code has no bearing at all,” inlawlawagna.
Dagiti mangayat nga agbiahe ke nasken nga iparehistroda iti numero ti teleponoda iti spass. ph website kalpasanna ket sukimatenda nu iti napilida a papanan ket maiparit wenno saan. Nu maiparit iti probinsia/siudad/munisipalidad, dagiti agbiahe ket nasken nga ag-apply para iti maysa a TCP bayat a ti TPP ket maibalakad nu iti destinasion ket saan a maiparit ngem kasapulan a lumabas iti maiparit a lug-lugar.
Apaman iti aplikasion para iti TCP wenno TPP, urayen laeng dagiti tao iti pammalubos ti local government unit a destinasion. Iti agdama, adda 31,765 TCP applications iti naaprubarab idiay Ilocos Sur; 1, 806 idiay Ilocos Norte; 4, 791 idiay Pangasinan; ken 183 idiay La Union. Kabayatan nga adda pay 7,951 agur-uray a TCP applications sadiay Ilocos Nirte, 1,139 idiay Pangasinan; 41 idiay La Union; ken uppat idiay Ilocos Sur.
(CGC-PIA LU/PMCJr.-ABN)