San Fernando, La Union “Digital City” itan

July 4, 2020 Headlines

SIUDAD TI BAGUIO – Napanaganan iti San Fernando, La Union ti Department of Information and Communications Technology (DICT) a kas maysa kadagiti “Digital Cities 2025” iti
Pilipinas. Iti 25 a siudad nga karaman ti San Fernando wenno “People’s City”, ket napili babaen iti kinasaganada nga mangallukoy kadagiti managpuonan (investors) iti Information Technology
business processing management industry maibasar iti naisangsangayan a kabaelanda iti kaadda ti saguday, imprastraktura, gated, ken aglawlaw ti negosio.
Babaen iti Digital Cities 2025, iti San Fernando ken dagiti sabali pay a napili a luglugar ket makagun-od iti gundaway nga iparangarang dagiti kabaelanda kas nabileg a sentro ti negosio. Dagiti siudad a kakuyog ti San Fernando, La Union iti listaan ket Balanga City, Batangas City, Cabanatuan City, Dagupan City, General Santos City, Iligan City, Iriga City, Laguna Cluster (San Pablo, Calamba, ken Los Baños), Laoag City, Legazpi City, Malolos City, Metro Cavite (Bacoor City, Imus, ken General Trias), Metro Rizal (Taytay, Cainta, Antipolo City), Olongapo City, Puerto Princesa
City, Roxas City, San Fernando Pampanga, San Jose Del Monte City, Tacloban City, Tagbilaran City, Tarlac City, Tuguegarao City, Urdaneta City ken Zamboanga City.
Dagitoy a digital cities ket agbalin nga sentro iti puntiria para iti baro nga irarang-ay ti ekonomia iti sumaruno a tallo (3) a tawen. Daytoy a pamuspusan ket nairanta nga mangtalinaed iti napartak nga irarang-ay iti Information Technology and Business Process Management (IT-BPM) sector ken panangitandudo iti panagrang-ay ti away.
Abrasaen ti gobierno ti San Fernando daytoy nga kagapuanan kas maysa napigsa a pammaregta ti arapaapna nga agbalin nga Smart People’s City inton 2025. Iti sabali a nailista a centers of excellence ken next wave cities, dagiti digital cities ket pagbalinenda ti Pilipinas a maysa nga mas digitally-enabled a pagilian, globally competitive ken napateg a kas kangrunaan nga destinasion ti pagpuonan.
Agtultuloy ti San Fernando, La Union nga agbirok kadagiti paggapuanan tapno mapasayaat iti atmospera ti lokal a negosio iti laksid ti epekto ti pandemia iti ekonomia, nagranyag daytoy. Nagkari iti “People’s City” nga agtultuloy a umabante tapno agbalin a globally competitive city.
AAD/PMCJr.-ABN