15,000 baro a Pantawid Pamilya beneficiaries nairehistro ti DSWD

February 3, 2020 Headlines

SIUDAD TI SAN FERNANDO , La Union – Nairehistro ti Department of Social Welfare and Development (DSWD) Field Office 1 iti agarup 14,962 sangkabalayan iti rehion ti Ilocos a kas baro a benepisario iti Pantawid Pamilyang Pilipino Program (4Ps).
Iti dagup a bilang, 9,875 ket manipud Pangasinan, 2,006 manipud La Union, 1,689 manipud Ilocos Sur, ken 1,392 manipud Ilocos Norte.
Kinuna ni Jaesem Ryan Gaces, information officer ti Pantawid Pamilya dagiti baro a benepisario ket patas a napili nga naibatay manipud iti Listahanan Household Assessment idi 2015.
“Ang Listahanan ay sistema kung saan natutukoy kung sino at nasaan ang mga mahihirap na sambahayan,(Iti Listahanan key sistema nga mangtukoylaeng nu sino ken sadino dagiti marigrigat a sangkabalayan),” kuna ni Gaces.
Innayonna pay a, “ Isuda iti bumukbukel ti Set 9 ti 4Ps benepisario nga makaawat iti education ken health grant manipud iti gobierno.”
Kinuna ni Gaces nga iti program orientation para kadagiti baro a benepisario ket nangrugin iti sapasap ti rehion daytoy Enero.
“Kalapasan iti nabiit nga orientasion, nagpirmada iti sapata iti panagkumit (oath of commitment) kas pammaneknek nga nakasaganada nga umungpal kadagiti kondisiones iti programa,” kuna ni Gaces.
Kalpasan iti orientasion ket iti pannakaibuning iti Pantawid ID kadagiti benepisario.
 
JND-PIA-LU/PMCJr.-ABN