33 nga mannalon nakaawat ti P1.7 milyon a proyekto

July 18, 2020 Provincial

LIDLIDDA, Ilocos Sur – Agarup 33 mannalon manipud daytoy nga munisipalidad iti makaawat ti dagup a PhP1,696,666.00 proyekto ti Innovative Family Enterprise Development (IFED) manipud Department of Agriculture (DA).
Iti proyekto ti IFED ket maysa a developmental project nga binukel ti DA-Regional Field Office I nga idanguluan ni Regional Executive Director Lucrecio Alviar, Jr., kadwana ni Dr. Jovita Datuin, Regional Technical Director for Research and Regulation, tapno mangtaginayon iti umdas a taraon ti rehion iti tengnga ti pandemia ti coronavirus disease 2019 (COVID-19).
Ti IFED ket maysa a research and development (R&D) project a panggep na nga mangited iti agtaginayon nga pagbirokan ken pagbiag dagiti miembro ti pamilia bayat a mangmangted iti naregta a gubuayan ti taraon nga suporta iti Plant, Plant, Plant Program wenno ALPAS (Ahon Lahat, Pagkaing Sapat) Kontra COVID-19 iti DA.
Karaman iti IFED projects idiay ili ti Lidlidda iti PhP 1,100,000.00 a gated ti baka; PhP 570,000.00 gatad ti kalding; ken PhP26,666.00 gatad ti nateng. Iti 33 mannalon a makaawat, pito kadakuada iti makaawat ti kalding – nga buklen iti lima a kabaian ken dua nga kalakian.
Para iti baka, 25 mannalon ti makaawat iti maysa nga bumalasang a baka tunggal maysa bayat nga maysa ket makaawat iti maysa a toro.
Amin nga 33 mannalon ket makaawat met iti nagduduma nga bukel iti natnateng tapno maimula. Kas kangrunaan nga mangpatungpal iti proyekto, iti R&D Division nga idanguluan ni Officer-in- Charge R&D Cjief Cathy Pastor ket mangusar met iti pacjage of technology (POT) kadagiti produksion ti baka ken kalding tapno matingiting iti epekto iti indigenous dewormer iti pannakapasayaat iti idadakkel ken salun-at dagiti baka ken kalding.
Iraman met iti POT ti integrated nutrient management, pest management, disease management, ken dadduma pay. Kabayatanna, tapno maallukoy iti nabileg a panagsugpon ken panangbigbig kadagiti kadwa a mannalon para iti panagreggetda iti proyekto ti IFED, pammadayaw ken premio ket maited kadagiti Best IFED Project, Best IFED Implementer, Best IFED Association and Best IFED Family.
Iti pakaibatayan ket maibasar iti kangatuan a produksion, kangatuan a net income, itatabuno dagiti kooperatiba wenno asosasion dagiti mannalon iti amin nga aktibidad ti proyekto, manakitinnulong a local government unit, saklawen ti ilalawa dagiti lugar ken kangatuan a bilang iti mangadaptar.
AMB-PIA IS/PMCJr.-ABN