7 pay a pasiente natay iti COVID-19 idiay Ilocos Sur

May 22, 2021 Headlines

ILOCOS SUR – Iti napalabas a dua a lawas, pito pay a tao iti pimmusay gapu iti coronavirus disease (COVID- 19) idiay Ilocos Sur, addaan iti kabuklan 24 ti natay itan.
Imparagawag ni Ilocos Sur Governor Ryan Luis V. Singson iti maysa a sasao nga iti kaubingan a natay nga mainaig iti COVID-19 iti probinsia ket maysa agtawen ti 28 a babai (IS-C1212) manipud barangay Apatot iti munisipalidad ti San Esteban.
Pimmusay daytoy idiay Ilocos Sur Provincial Hospital- Gabriela Silang (ISPH-GS) idi Mayo 6 nga adda final diagnosis ti COVID-19 critical.
Kabayatanna, adda tallo a baro a natay ti nairekord ti siudad ti Candon nga manipud barangay San Isidro (IS-C1192), San Jose (IS-C1070), ken Paypayad (IS-C740).
Ni IS-C740 ti kaudian a natay ti COVID-19 iti probinsia. Daytoy ket agtawen iti 70 a lalaki nga pimmusay idi Mayo 17 gapu iti acute coronary syndrome, non ST elevation, myocardial infarction, community acquired pneumonia, high risk, sepsis, severe COVID-19.
Iti dua pay a natay iti siudad ket lalaki met a senior citizens nga pimmusay gapu iti acute respiratory distress syndrome; ken acute respiratory failure ken pneumonia wenno nainaig a saksakit.
Dua met iti baro a nairekord a natay ti munisipalidad ti Bantay: maysa agtawen ti 43 a lalaki (IS-C1023) manipud barangay Zone 3 kem maysa agtawen 69 a babai (ISC1350) manipud barangay Zone 5.
Maudi, nairekord ti ili ti Sta. Cruz iti maikadua a natay ti COVID-19 a maysa agtawen 60 a lalaki (IS-C1308) manipud barangay Lantag a pimmusay idi Mayo 13.
Nakiladingit ni Governor Singson kadagiti pamilia dagiti pasiente, kabagian ken gagayyem iti kadagitoy narigat a tiempo.
Inulit na met kadagiti umili iti nainget a panangtungpalda iti public health standards nga intuyang ti Department of Health (DOH), nangruna iti umad-ado a bilang ti kaskaso ti COVID-19 iti probinsia.
Maysa pay, inyebkas ni Governor Singson iti sipupudno a panagyamanna kadagiti amin a frontliner nangruna iti medical teams iti probinsia nga saan a nagpatingga nga mangipakita iti dedikasionda a mangaywan kadagiti iturayanna.
“Sa ating laban kontra COVID-19, nananatiling mataas ang ating paniniwala na sa pamamagitan ng pagkakaisa, lalong-lalo na sa inyong tapang at sakripisyo, malalagpasan natin ang pagsubok ng pandemiyang ito,” kunana.
(JMCQ-PIA IS/PMCJr.-ABN)