9 nagretiro nga empleado ti PGLU, nakaawat ti pammigbig

May 12, 2018 Headlines

SIUDAD TI SAN FERNANDO, LA UNION – Binigbig ti probinsial a gobierno ti La Union nga idadauloan ni Gov. Francisco Emmanuel “Pacoy” R. Ortega III dagiti siam a nagretiro nga empleado kabayatan ti first Monday flag raising ceremony idi Mayo 7, 2018 iti Provincial Capitol grounds.
Dagiti retirees a nagserbi iti PGLU iti las-ud ti 18 tawen inggana 43 tawen ket isuda Wilfredo G. Nariz, Prison Guard II iti Office of the Provincial Governor Jail (OPG-Jail); Benito J. Corpuz, Administrative Aide I iti Office of the Provincial Agriculturist (OPAg); Dental Aide Antonio E. Mabalo, Nurse I Marlina P. Mayo, Midwife II Tita A. Halog, Midwife II Jesusa G. Amita iti Provincial Health Office (PHO); Virginia M. Canave, Population Program Worker II iti Provincial Population Office (PPO); Florante R. Gacayan, Administrative Aide VI iti Office of the Provincial Engineer (PEO); ken Rodolfo P. Manuel, Maintenance Man iti PEO ken OPG-Jail.
“This month of May, I ask that we ponder on three things: ‘graces’, ‘blessings’ and ‘gratitude’,” kinuna ti gobernador iti mensahena. Kinunana a nasken ti panangtaginayon ken panangsalimetmet iti nakaiparsuaan a kas iti ipatpatungpal iti San Juan turtle nesting grounds. Kas “blessings”, dinakamatna dagiti pammigbig a mangmangted ti incentives kadagiti empleado. Kas “gratitude”, inyunay-unay ti gobernador ti panagyaman kadagiti grasya, parabur ken uray pay kadagiti pannakaupay.
Ginuyuguy ni Gobernador Pacoy dagiti empleado ti PGLU nga reggetanda pay ti panagserbida tatta a tawen tapno makaalada ti Performance Based Bonus. PITO LU / ABN