BHW, brgy tanod kualipikado nga benepisario ti SAP

April 25, 2020 Headlines

SIUDAD TI SAN FERNANDO, La Union – Dagiti barangay health workers (BHWs) ken barangay tanod ket kualipikadon a kas benepisario ti Social Amelioration Program (SAP), kuna iti maysa nga opisyal ti Department of Social Welfare and Development Field Office 1 (DSWD FO1).
Iti maysa nga special episode ti ‘Kapihan sa Ilocos’ iti Philippine Information Agency idi Miyerkoles, kinumpirma ni Marcelo Nicomedes J. Castillo, regional director ti DSWD FO1 nga iti nasao nga trabahador ti barangay ket kualipikado itan nga makaawat iti cash assistance gapu iti pandemya ti coronavirus.
Impakaammona nga inaprubaran ti DSWD iti rekomendasyon ti Department of the Interior and Local Government (DILG) nga iraman dagiti barangay tanod ken health workers iti listaan ti target beneficiaries iti SAP gapu ta saan da nga regular nga empleado ken makaaw-awat laeng iti minimum nga allowance.
Nupay kasta, inlawlawag ni Castillo nga maaramid pay iti umno nga screening tapno masukimat nga dagiti trabahador ti barangay ket saan nga kumit-kita ti nasursurok ngem iti minimum wage ken dagiti ‘kapanglawan kadagiti napanglaw’ (poorest of the poor) iti maikkan ti prioridad.
“Gapu iti rekomendasyon nga inted ti DILG ket nairamanda, ngem nasken nga sukimaten tayo unay daytoy. Adda laeng numero apo para iti kabeklan para iti rehion 1,” kuna ni Castillo.
Iti rehion, 999,531 pamilia iti kualipikado nga benepisario para iti social amelioration.
Makaawatda iti PhP5,500.00 kada maysa para ti bulan ti Abril ken Mayo. Kinuna ti regional director nga bigbigbigenna iti pannakaseknan nga panunuten iti dadduma nga tao nga kualipikadoda ngem awanda iti listaan, isu nga impakaammona kadakuada nga iti DSWD ken DILG ket madama nga tiptiponenda iti listaan dagiti mabalin pay nga ikonsidera para iti sabali pay a programa ti gobierno.
“Dawdawatenmi apo iti listaan dagiti nasken nga mairaman ngem saan nga nairaman. Nu ania nga programa, urayen tayo nga iti Presidente iti mangibaga,” kunana.
Innayonna, “Bay-an tayo nga dagiti economic managers iti mangadal iti dayto nga pannakaseknan ken mangitedda ti kasapulan a rekomendasion nu kasatno nga mataming daytoy.”
Nangted ni DSWD Secretary Roloando Bautista iti update daytoy idi kabaytan ti Laging Handa Network Briefing idi Abril 23.
“Iti uneg daytoy a lawas, ipatulodmi daytoy a datos iti economic planners, nga idanguluan ni Secretary Dominguez. Batayan daytoy iti pannangalap ti kanayonan a pondo para dagiti kualipikado ngem saan nga nairaman iti target beneficiaries.” Kuna ni Bautista.
Inlawlawag pay ti secretario nga talaga nga kualipikado dagiti barangay tanods, barangay health workers, ken uray barangay day care workers para iti SAP.
“Ngem adda pakdaarna daytoy, sigun iti assessmen iti local government units (LGUs) nu mairamanda wenno saan. Saan nga naan-anay daytoy. Ibati tayo ti “case to case basis” kadagiti LGUs,” kuna ni Bautista.
Iti Network Briefing ket ket indauluan ti Presidential Communications Operations Office (PCOO) Secretary Martin M. Andanar manipus Lunes agingga Biernes ken maitangatang manipud 8 a.m. agingga 9 a.m. iti amin a social media platforms ti PCOO bureaus.
JND-PIA LU/PMCJr.-ABN