DAR nagibunong iti 188 ektaria nga daga kadagiti mannalon ti Ifugao

June 24, 2019 Headlines

SIUDAD TI BAGUIO – Nagibunong iti Department of Agrarian Reform (DAR) ti 307 Certificate of Land Ownership Award (CLOA) a saklawen iti 188.64 ektaria nga kukua ti gobierno kadagiti mannalon ti Ifugao idi Martes ti agdagup.
“Addaan 100 Agrarian Reform Beneficiaries (ARBs) manipud ili ti Alfonso Lista, 121 ARBs manipud Asipulo ken 86 ARBs sadiay Kiangan,” post iti Philippine Information Agency- Ifugao iti social media.
Kinuna ni DAR Information Center manager Marcelo Lighawon nga dagiti CLOA ket inawat dagiti benepisiario iti maysa a pasamak iti Southville Inn sadiay Lagawe, Ifugao.
Malaksid iti panagibunong kadagiti CLOA, kinuna ni Lighawon nga impakaamo ti DAR kadagiti ARB iti programa ti ahensia, proyekto ken dadduma pay nga impormasion maipapan iti prioridad iti departamento tapnu maidur-as iti bilin ni Presidente Rodrigo Duterte nga mapapartak iti panakaibunong iti daga kadagiti mannalon.
Kinuna ni Agrarian Reform secretary John Castriciones nga iti panakaibunong kadagiti titulo ti daga, kayat ni Presidente Duterte nga mas komportable iti biag dagiti mannalon.
Umuna ditoy ket binilinan ni Duterte dagiti opisial ti DAR nga papartekenda iti proseso dagiti CLOA ken panakaibunong dagiti titulo kadagiti benepisiario iti isuamin a pagilian.
Imbaga ni Castriciones kadagiti mannalon ti Ifugao nga itultuloy ti departamento iti panagproseso ken panakaibunong malaksid pay iti maipapaay nga suporta serbisio para kadagiti benepisiario.
No tulungan laeng dagiti mannalon, panggep iti DAR nga maikkan iti sektor iti housing project; scholarship manipud Technical Education and Skills Development Authority (TESDA); Pantawid Pamilyang Pilipino Program (4Ps) iti Department of Social Welfare and Development; provision of crop insurance manipud Philippine Crop Insurance Corp.; ken credit assistance manipud Land Bank of the Philippines ken sabasabali pay nga financial institution.
Kinuna ni Elsa Codamon, 54, manipud Baguinge, Kiangan, maysa kadagiti ARB nga iti agdama ket addaanen talek ken proteksion iti pamilia na iti daga nga taltalonen da kalpasan iti adu a tawen nga pananguray da.
 
PNA/PMCJr.-ABN