DOH, siudad ti San Fernando nagkampania para dengue-free barangays

June 30, 2019 Headlines

SIUDAD TI SAN FERNANDO, La Union – Panagtutudo manen ken iti panagraira iti kaskaso iti sakit nga dengue ket mabalin nga ngumato iti kaaduan nga komunidad.
Ngem daytoy ket mabalin nga malapdan, segun iti Department of Health (DOH) Regional Office 1 nga nakikadua iti gobierno ti San Fernando, La Union nga mangikampania kontra iti makapapatay a sakit nga dengue ditoy.
Baeten iti City Health Office (CHO), iti tinawen nga kapaliiwan iti Dengue Awareness Month ket naaramid idiay Liga ng mga Barangay Hall nga panagtataripnong iti opisiales ken helath workers iti 59 nga barangay iti siudad karamanan dagiti sangaili manipud iti
regional line agencies, non-government organizations kasta met dagiti media practitioners.
Iti tema daytoy a tawen nga “Kung Walang Lamok, Walang Dengue, Mag-4S Kontra Dengue Tungo sa Dengue-Free People’s City!” ket panggep iti naan-anay nga sero iti kaso ti dengue ditoy siudad beaten iti saba-sabali pamay-an.
Iti maysa a mensahe ni city health officer Dr. Eduardo Posadas, kinunana, “Nasken nga pagkaykaysaen tayo dagiti panagregget tayo nga sarangten iti dengue kadagiti komunidad tapnu masiguro nga awanen nga biag iti pukawen daytoy nga sakit.”
“Iti kaepektibuan a pamayan ket iti nasaknap a panakaiwaras kadagiti umno nga pamay-an ken teknolohia tapnu maparmek dagitoy nga lamok, ken pagtalinaeden ti kinadalus ken sanidad iti
pagtaengan tayo,” kuna ni Dr.Posadas.
Iti maysa a report nga naiparang iti nasao nga pasamak, naammuan nga dagiti barangay ti Sevilla, Sagayad, Poro, San Francisco, Canaoay, Bato, Cabaroan ken Catbangen ket naaddaanen iti kaskaso iti dengue idi Mayo 2019.
Iti agdama, dagitoy nga barangay ket nainget nga mamonmonitor ti CHO ken City Environment and Natural Resources Office (CENRO) para iti regular nga clean-up drives.
“Di kayat a sawen daytoy nga dagiti sabali nga barangay nga saan nga natukoy ket saanen nga maddaan iti kaso ti dengue, maysa daytoy nga mangipalagip nga nasken tayo nga ituloy ken pagtalinaeden tayo nga aramiden nga dengue mosquito-free dagiti barangay tayo,” kuna na.
Maysa pay, bayat ti aktibidad impresenta ti DOH nga inrepresentar ni Engineer IV Ashley Antonio iti sumagmamano nga topiko iti sabali a aedes-borne nga sakit kas iti Chikungunya ken Zika viruses ken iti Integrated Vector Management wenno IVM, maysa nga proseso ti panagaramid ti desisyon tapnu naan-anay iti panagusar kadagiti gameng para iti vector control.
Kanayonanna, impresentar met ni Engr. Antonio iti panagpatuloy ti napasayaat nga 4S Program Kontra Aedes-Borne Diseases kas iti Search and destroy of mosquito breeding places; Self-protection measures; Seek early consultation for early signs and symptoms; ken Support strategic fumigation in suspected areas of dengue ket mairekomenda ken nainget nga maikampania.
Kalpasan iti ababa a programa ket naparegta dagiti nakipaset nga pumirma iti Pledge of Commitment nga maiturong iti kampania ti siudad, “End Dengue: Starts with Me.”
Kas paset ti aktibidad, maysa a special demo ti target indoor wenno outdoor spraying iti residential area sadiay Barangay Sevilla ket naaramid iti malemna kadua dagiti opisiales ti city health, opisiales dagiti barangay ken dagiti managobra. Iti bulan ti Mayo 2019 na-monitor ti DOH iti agadup 1,888 kaso ti dengue iti Ilocos Region.
Tallo nga masuspetsa nga panakatay iti naireport, dua ditoy ket sadiay La Union ken maysa sadiay Pangasinan.
 
PIA-1/PMCJr-ABN