Ilocos Sur, DTI inyussuatda manen ti ‘Ylocos Linawas a Tienda’

December 7, 2020 Provincial

SIUDAD TI CANDON, Ilocos Sur – Iti gobierno ti probinsia ti Ilocos Sur ken iti panakitinnulong ti Department of Trade and Industry (DTI) ket inyussuatda manen iti “Ylocos Linawas a Tienda” tapno maikkan iti gundaway dagiti Ilocos Surians nga makagatang ken nanamen dagiti aramid a produkto ti Ilocos.
Iti panangiyussuat ket idi Disiembre 2 sadiay Candon Trade Center, barangay Tablac daytoy a siudad. Kinuna ni DTI-Ilocos Sur Provincial Director Grace Lapastora nga iti tignay ket umuna nga naaramid idi 2015 nga panggep nga suportaran dagiti babassit nga negosiante (micro entrepreneurs) iti panangiyam-ammo kadagiti produktoda tapno makagunodda iti paglakuan ken umado ti mailakoda, iti kasta mataginayon iti panagrang-ay ti negosioda.
“This time, it seeks to support the campaign of the national government to ‘Buy Local, Go Lokal’ amid the coronavirus disease 2019 (COVID-19) pandemic to highlight the need to patronize local products to stimulate the economy while extending support to micro and medium enterprises who have been greatly affected by this outbreak,” kinuna na.
Dagiti lokal a produkto manipud saba-sabali nga ili kas longganisa, suka ti Iloko, kape, bawang, balicucha, bagnet, cacao tablea, buri bag, abel, basket ken dadduma pay ket mailako iti maysa aldaw nga aktibidad ti panaglako.
Maiyussuat pay iti maysa iti mabiit para iti congressional district ti probinsia nga maaramid sadiay Siudad ti Vigan.
Iti Linawas a Tienda ket agsinnublat nga maangay iti pito a munisipalidad ti probinsia ken agultimo iti maysa a Christmas bazaar kadagiti siudad ti Candon ken Vigan ita a bulan.
AMB-PIA IS/PMCJr.-ABN