Mannigarilio agpeggad unay a maaddaan ti COVID-19

June 14, 2020 Provincial

SIUDAD TI SAN FERNANDO – Sikayo nga mannigarilio, ammoyo kadi nga kada tunggal maysa pidaso ti sigarilio ket mabalin nga pito a minuto iti maikissay iti biagyo?
Ammoyo pay kadi nga nu agsigarilio kayo ken dagiti ramayyo nga agig-iggem ken
isubom ket mabalin nga makontamina iti coronavirus, isu nga agpeggad kayo nga
maaddaan iti makapatay a sakit?
Ammoyo pay kadi nga 25 porsiento kadagiti positibo a kaskaso ti COVID-19 ket mannigarilio?
“Smoking basically weakens the immune system to respond to infection making a smoker susceptible to COVID-19 and experience complications,” kinuna ni Dr. Magnolia Brabante, medical officer IV manipud Department of Health-1, bayat iti Kapihan sa Ilocos episode idi Mierkoles.
Dagitoy malaksid pay iti adu a saksakit nga ited iti panagsigarilio iti bagi ti maysa a tao, manipud ulo agingga kababaan a parte ti bagi.
Kabayatanna, kinuna ni Erwin Baclig, Jr. senior health programs officer ti DOH-1 nga addaan 42 porsyento ti nataengan a lallaki a Pilipino nga agsigsigarilio ken asideg maysa a million nga agus-usar iti vape.
Bayat nga adu iti mabalin nga agsardeng ti panagsigarilio ngem isubloatda met iti agusar iti vape kas alternatibo. Pada nga iti panagsigarilio ken vape ket addaan iti nicotine nga makadangran a substansia.
“There is no evidence yet on vape’s actual negative effects to one’s body but it is still undergoing research and study,” kuna ni Brabante.
Innayonna, “But there are already reports of exploding vapes which cause burning to the face.”
Impalagip da Brabante ken Baclig iti publiko nga liklikanda iti second-hand smoke nga makaited met laeng iti pareho ng epekto iti immune system ken bagi.
Iti DOH babaen dagiti saba-sabali a rural health unit’s ket mangipaay iti counselling ken tulong kadagiti mangayat nga agserdengen ti panagsigarilio.
JDS-PIA LU/PMCJr.-ABN