3 LGU ti Ilocos Sur nangibilin ti inkapilitan nga panagusar ti maskara, pisikal a distansia

April 19, 2020 Provincial

ILOCOS SUR – Tallo a local government units (LGUs) iti probinsiya ti Ilocos Sur iti nangibilin iti inkapilitan nga panagusar iti mascara wenno sarapa ti rupa ken nainget nga panagtungpal iti pisikal a distansia ti amin nga tattao iti panawen ti enhanced community quarantine (ECQ).
Idi Abril 9, nangiyulog ti bilin ni Bantay Mayor Samuel Parilla babaen ti Executive Order (EO) No. 20 s. of 2020 nga maibilin iti panagusar iti mascara ti rupa iti amin a panawen, nangruna nu rumuar iti pagtaenganda, iti pagubraanda, nu sumrek kadagiti paset ti gobierno ken opisina kabayatanna nga addada iti luglugar a publiko.
Nabilinan met iti amin a tattao nga surutenda iti nainget a pisikal a distansia uray maysa a metro ti baet iti dadduma a tao iti panawen ti ECQ ken aniaman nga maipatungpal a pannakapaatiddog.
Kabayatanna iti ili ti Banayoyo, inyulog ni Mayor Virgilio Galanga iti EO No. 17 s. of 2020 idi Abril 6 nga maipaalagad iti inkapilitan nga panagusar iti mascara ti rupa wenno sarapa ti rupa iti lugar a publiko iti uneg ti munisipalidad kas paset ti pananglapped ken kinatalged a pamay-an kontra iti COVID-19.
“All individuals who are authorized to leave their residences or those with official passes to basic necessities, and those who are exempted from the ECQ, are hereby mandated to wear face masks or face shields at all times and all public places where a transmission of the disease may take place so as to lessen, if not stop, the probability of transmission and mitigate contamination from points of source for the entire duration of the ECQ,” nailanad iti bilin.
Nainayon pay, “Public and private establishments are likewise mandated to refuse entry to persons who are not wearing face masks or face shields.”
Inaprubaran met iti Sangguniang Bayan ti Banayoyo iti Ordinance No. 2020-05 nga mangipatungpal iti pisikal a distansia nga maysa a metro wenno tallo a pie iti baet.
Kasta met, impaalagad ti Vigan 7th City Couyncil iti Ordinance No. 11 s. of 2020 nga maawag met a “Face Mask and Social Distancing Ordinance of Vigan City.”
Nailanad iti ordinansa nga tunggal tao ket nasken nga agusar iti mascara ti rupa nu addada iti ruar ti pagtaenganda ken sanayen iti uray maysa a metro nga baet kadagiti sabali a tattao tapno mapabassit it gundaway a maakaran iti COVID-19.
Asinoman a tattao nga manglabsing kadagiti probision ti ordinansa ket medusa babaen iti panagatendarda iti awareness campaign iti COVID-19 sadiay Barangay wenno City Health Office para iti umuna a pananglabsing ken maysa-nga-oras a boluntario a community service wenno multa a PhP200.00 para iti maikadua nga pananglabsing.
Dadduma pay nga LGU nga mangipat-patungpal iti panagusar iti mascara ti rupa wenno sarapa ti rupa iti publiko ket karaman iti munisipalidad ti Cabugao, Caoayan, Magsingal, Santiago, San Esteban, Sigay ken Sinait. Sakbay daytoy, iti kapada a pamay-an ket naipatungpal idiay Candon City, San Juan, Santa Lucia ken Sugpon.
AMB/PIA IS/PMCJr.-ABN