“Negosyo Serbisyo sa Barangay Program” insayangkat ti DTI sadiay Ilocos

September 17, 2019 Provincial

SIUDAD TI SAN FERNANDO, La Union – Insayangkat ti Department of Trade and Industry (DTI) iti “Negosyo Serbisyo sa Barangay Program” (NSBP) tapno tumulong nga paregtaen iti micro, small ken medium enterprises (MSMEs) kadagiti probinsia ti Ilocos.
Kinuna ni Grace Falgui- Baluyan, regional director ti DTI Region 1 nga iti programa ket maar-aramid tapno maited dagiti serbisio ti ahensia kadagiti barangay iti 4th agingga 6th class municipalities iti rehion.
“Panggep ti NSBP nga ingato ti panakaammo dagiti opisiales ti barangay ken umili iti serbisio nga ipapaay ti DTI-Negosyo Center ken tukuyen dagiti MSMEs nga addaan business operations sadiay ili,” kuna ni Baluyan.
Kunana nga dagiti natukoy nga ili ket isuda iti lugar nga katulungan iti ahensia nga aramiden dagiti umili a kas agsar-sarili ti ekonomia ken mas epektibo nga kadua iti panakaragpat kadagiti panggep ti pagilian.
“Tumulong kami met kadagiti potensial nga barangay entrepreneurs nga makaala iti capital loan assistance,” kuna ni Baluyan.
Idi Agosto 14 – 16, 2019 ket balligi nga nangisayangkat iti DTI La Union iti tallo nga aldaw nga NSBP sadiay ili ti Tubao nga sakupen iti 18 nga barangay.
Sumurok 150 barangay entrepreneurs ken umili iti timmabuno iti programa nga naaramid sadiay auditorium ti Tubao.
Inyebkas ni Tubao Mayor Jonalyn G. Fontanilla-Piayas iti panagyaman na iti DTI Region1 iti panangyeg da iti NSBP iti ilina.
“Tulungan ti NSBP dagiti barangay entrepreneur tayo tapno maparegta iti kualidad dagiti produkto da,”kuna ti mayora.
Kaunaan na, nangited ti DTI iti maysa a Shared Service Facility (SSF) kadagiti grupo ti mannalon sadiay Barangay Halog West tapno mapapartak iti proseso ti chicharon food products – isu’t rehistrado nga One-Town-One-Product (OTOP) iti ili ti Tubao.
 
FGL-PIA-1/PMCJr.-ABN