PHP4.9-M FAB LAB TULONG SA MGA MAGSASAKA, MSME’S PATAASIN ANG PAGIGING PRODUKTIBO

October 28, 2023 Provincial

LUNGSOD NG BATAC, Ilocos NortePinasinayaan ng Department of Trade and Industry (DTI) noong Martes, Oktubre 24 ang PhP4.9 milyon na tagapangunang fabrication laboratory na nakatuon sa mekanisasyon ng agrikultura. Iginawad ng DTI ang Fabrication and Automation
Research for the Mechanization of Agriculture Laboratory (FARM-A-Lab) sa Mariano Marcos State University (MMSU) sa Batac City, Ilocos Norte bilang isang grant upang tulungan ang mga magsasaka at micro, small and medium enterprises (MSMEs) sa onfarm activities, food processing,
food preservation, product testing, at packaging habang tuloy-tuloy na pinapaunlad ang food at non-food products at innovative technologies na mag-aangat sa mga buhay ng mga pamayanan sa kanayunan.

“This innovative space equips individuals with cutting-edge tools and knowledge to mechanize their
operations, boost productivity, and elevate their competitiveness in the everevolving global marketplace,” ani DTI provincial director Amelia E. Galvez. Sinabi ni Galvez na magagamit din ang pasilidad para sa multi-agency collaboration Upang pagyamanin ang inobasyon at pagaanin ang pagbabahagi ng kaalaman sa isang magkakaibang hanay ng mga stakeholder sa Ilocos Region.
Binigyan-diin ni DTI regional operations group Undersecretary Blesila A. Lantayona, sa parehong
aktibidad ang pangako ng kagawaran sa pagsuporta sa sektor ng agrikultura ng rehiyon at kahalagahan nito sa pangkalahatang paglago ng bansa.

Dumalo rin sa turnover ceremony sina Ilocos Norte Vice Governor Cecilia Araneta Marcos, Batac Mayor Albert Chua, at MMSU president Shirley Agrupis. Inaasahang mabebenipisyuhan ng
laboratorio ang MSMEs na nasa small-scale machine shops, agri-machinery fabrication, agri-based food product development, furniture and bamboo handicrafts making, fish at fish-based processing, at ceramics making, at iba pa. Makakatulong ito sa paglinang ng mga angkop nakasangkapan at kagamitan na tutulong sa araw-araw na operasyon ng MSMEs, gayundin ang probisyon ng iba’t-ibang skills training, gaya ng nasa small-scale farm at fishery equipment design,
fabrication ng digital design, at 3D printing.

Pangungunahan ng mga eksperto mula sa MMSU, limang machine fabricators ang sasanayin at mabigyan ng kapasidad na gamitin ang FabLab equipment kasama ang isang laser cutter, industrial
milling machine, open-source large format desktop 3D printer, stereolithography 3D printer, at
design software. Mabebenipisyuhan din ng laboratorio ang civil engineering program ng MMSU, mabigyan ng pagkakataon ang mga estudyante na gamitin ang pasilidad upang madagdagan ang kanilang karanasan sa pagaaral.

(LA-PNA Ilocos/PMCJr.-ABN)