27 ANYOS A BABAI PIMMUSAY KALPASAN NGA MAATALAN TI PAMPASAHERO NGA JEEP

October 13, 2023 Metro BLISTT

Drayber makaswan ti reckless imprudence resulting to homicide

BAGUIO CITY

Pimmusay ti 27-anyos a babai iti napasamak nga aksidente iti nagbeddengan ti Otek Street ken Bautista Street Intersection, Baguio City pasado alas syete iti agsapa,idi Oktubre 10, 2023. Iti exclusive interview ti Bombo Radyo kenni Police Capt. Angeline Dongpaen, Information Officer ti Baguio City Police Office, ag-cross ti biktima ti nakuna nga pedestrian ngem nairana nga agpakannigid ti pampasahero a jeep idi nadungpar ti biktima.

Ti biktima ket agtrabtrabaho iti maysa a mining company bayat a ti suspek ket driver ti pampasahero a jeep manipud La Trinidad, Benguet route. Saan a dinakamat ni PCapt. Dongpaen ti pakabigbigan ti biktima ken ti suspek kas kiddaw ti pamilyada. Nupay kasta, posible a mapilaan ti driver ti kaso a reckless imprudence resulting to homicide.

Bombo Radyo Baguio