4Ps iti Rehion 1 nakaawat ti emergency subsidy aggapu gobierno

April 12, 2020 Provincial

SIUDAD TI SAN FERNANDO, La Union – Amin nga aktibo a benepisario ti Pantawid Pamilyang Pilipino Program (4Ps) manipud Rehiyon 1 ket mabalindan nga i-withdraw manipud kadagiti cash cards iti emergency subsidyda nga aggapu iti gobierno babaen ti Department of Social Welfare and Development Field Office 1 (DSWD FO 1).
Sigun kenni Marcelo Nicomedes J. Castillo, regional director ti DSWD FO 1, iti subsidia ket paset ti Social Amelioration Program (SAP) Bayanihan Fund: Tulong Laban sa COVID-19.
“Ito ay programa ng gobyerno para masiguro na matugunan ang basic needs o pangunahing pangangailangan ng mga apektadong pamilya dulot ng enhanced community quarantine (daytoy ket programa ti gobierno tapno maipasigurado nga masungbatan iti kangrunaan a kasapulan dagiti apektado nga pamilia iti enhanced community quarantine),” kuna ni Castillo.
Impakaammona nga iti tulong ti gobierno nga aggatad PhP5,500 ket naiteden kadagiti agadup 205,195 benepisyario ti programa iti Rehion Ilocos idi Sabado, Abril 4.
Iti subsidia ket maibasar iti minimum wage sadiay rehion. Iti kadaywan a binulan nga ayuda kada maysa a benepisario ket PhP750 tulong para salun-at ken PhP600 para subsidia ti bagas. Kanayonnan a PhP4,150 ket naited kas emergency subsidy gapu iti COVID-19
pandemia.
Nabingay-bingay dagiti makagun-od kada probinsia a kas sumaruno: Pangasinan nga addaan 127,726 benepisyario; La Union – 30,839; Ilocos Sur – 27,294; ken Ilocos Norte – 19,336. Impalagip iti regional director nga dagiti benepisario ti 4Ps ket saanen a nasken nga suratanda iti Social Amelioration Card (SAC) gapu ta iti tulongda a kuarta ket direkta nga maipisuk kadsagiti ATM cash card account da.
Kuna na nga dagiti nababa ti kitada a pmalia laeng iti kualipikado iti sidong ti SAP iti agsurat iti SAC ken agtulnog kadagiti sabali pay a pagannurotan, tapno makaala da met iti suporta a pinansial nga agpaay kadakuada.
Kabayatanna, pinalagipanna dagiti benepisario ti 4Ps nga surutenda dagiti pamay-an ti panagannad nu i-withdrawda dagiti kuartada kas iti social distancing wenno panag-aaddayo ken panagaramat ti face mask tapno malappedan iti panagwaras iti sakit.
Iti sidong ti Republic Act (RA) No. 11469 wenno iti “Bayanihan to Heal as One” Act, 18 milion a sangkabalayan nga nababa ti kitada iti intero a pagilian, karaman iti sangkabalayan a benepisyario ti 4Ps ket manamnama nga makaawat ti emergency cash assistance tapno mapalag-an iti epekto iti salun-at pang-publiko gapu iti COVID-19.
JND-PIA-LU/PMCJr.-ABN