DA nangitulod tulong kadagiti mannalon ti Ilocos iti tenga ti COVID-19 crisis

April 26, 2020 Provincial

SIUDAD TI SAN FERNANDO – Nangiwaras iti Department of Agriculture (DA) iti tulong agrikultura kas iti rice planting materials, fertilizers ken vegetable seed packs kadagiti mannalon ti Ilocos iti tenga ti krisis nga impaay nga pandemia ti coronavirus disease 2019
(COVID-19).

Kinuna ni Erlinda Manipon, OIC-Technical Director for Operations ti DA Region 1 nga paset daytoy iti Plant, Plant, Plant Program a maawagan nga ‘Ahon Lahat, Pagkaing Sapat (ALPAS) Laban sa COVID-19 nga panggepen daytoy nga matulongan ti produksion ti taraon, ken maipasigurado iti kanayon a kina-adda ken umdas a suplay mientras nga naipasidong ti intero a Luzon iti enhanced community quarantine (ECQ).

“Ang programang ito ay may proposed na 31 bilyong pondo. Ngunit sa ngayon ay tanging ang walong bilyong pondo palang ang naaprubahan para sa Rice Resiliency Project na naglalalayong mapataas ang ani at masustentuhan ang pagkaing kinakailangan ng mamamayang Pilipino ngayong umiiral ang ECQ,” kunana iti pagsasao a Tagalog.

Kabayatan iti maysa nga special episode ti ‘Kapihan sa Ilocos’, dinakamatna iti sabasabali nga istratehia ti DA tapno epektibo nga maipatungpal iti nasao nga programa.

Tapno mapaado iti produksion ti hybrid rice, dagiti mannalon nga addaan maysa ektaria a talon ket maikkan iti 15 kilos ti hybrid rice ken tallo a bag iti urea fertilizer apaman a gumatang iti dua a bag ti inorganic fertilizer.

Bayat ti panangparegta iti inbred rice production, mangipaay iti Philippine Rice Research Institute iti 40 kilos ti inbred rice kadagiti mannalon nga addaan maysa wenno bas-bassit pay nga ektaria iti talon. Dua a bag ti urea fertilizer iti maited pay a libre nu gumatang ti mannalon iti dua a bag ti inorganic fertilizer.

Babaen iti pannakitinnulong kadagiti local government units, makaawat met dagiti mannalon iti dua a bag ti urea fertilizer kada ektaria ti talon ti pagay.

Kinunana nga iti pannakaiwaras kadagitoy a planting materials ket nangrugin iti rehion para kadagiti lugar nga addaan nasapa nga rice cropping ita a tawen.

Kasta pay, naduma-duma a lowland seed packs iti maiwar-waras sadiay Ilocos Norte babaen ti Ilocos Norte Research Experiment Center sadiay Batac City ken Pangasinan babaen iti research centersda idiay Sual ken Sta. Barbara.

Iti agdama, upo ken patola seeds pay laeng iti adda, sigun kenni Manipon. Uray nu iti baro a batch iti suplay ket si-iiman, iti pannakaiwaras ket agtuloy laeng apaman iti resulta iti naaramid nga germination test.

Kabayatanna, daytoy a programa ti DA ket naitampok ni Undersecretary Noel Reyes bayat iti maysa nga pagteng ti #LagingHanda Network Briefing nga indanguluan ni Presidential Communications Operations Office Secretary Martin Andanar isi Mierkoles, Abril 22.

CGC, PIA LU/PMCJr.-ABN