De Lima, saan kaya siya patungo?

March 4, 2017 Daplis Walang Mintis Opinion

Kulong na si Sen. Leila De Lima. Marami ang natuwa. Marami rin ang nagngitngit. Pero sandali lang mga pards, hindi pa tapos ang laban di ba? Sabi nga ng mga eksperto, akusado pa lang siya at hindi pa kombiktado. Lilitisin pa ang kanyang mga kaso gaano man ito kagaan o kabigat. Wala siyang pinag-iba kina Jinggoy at Bong na nasa kulungan pa rin hanggang ngayon. Tanong: saan kaya patungo ang kapalaran ni De Lima? Yan nga ang ating titimbangin mga kabalin:

*****

Una sa lahat, hindi nakalusot ang hiling na TRO kamakailan ni De Lima dahil supalpal ito sa Korte Suprema. So tuloy ang pananatili nito sa seldang walang aircon at wala ring shower. Whaatt? Ganun din ba kina Bong at Jinggoy at noon ay kay Enrile? Siguro. Kawawa naman pala sila, hane? Di eksperto na silang gumamit ng tabo at pamaypay? Siguro. Papaano kaya si Leila na sanay sa buhay-marangya? Magse-seminar na rin kaya siya sa pagiging buhay-mahirap? Siguro. Pero teka, hindi ba’t isang rason kung bakit nakalkal ang buhay niya at idinawit pa sa buhay ng mga de-kalibreng inmates sa bilibid ay dahil sa limpak na salapi mula sa droga? Nabuking kasing buhay-hari ang ilang Lords sa loob ng bilangguan. Yun pala sandamukal palang kadatungan ang kanilang hinihigaan dahil sa droga. Susmaryusep! At itinuro nila si Leila na kakutsaba? Ganun ba? Ibig bang sabihin ay sandamukal din ang wisik sa kanya (noong DOJ Secretary pa lang) kaya namayagpag ang mga illegal na gawi sa NBP? Nilaman yan ng mga imbestigasyon sa Senado. At kung maalaala ninyo, nagtitili at nagdudumilat pa ang mga mata sa galit noon si Madam Leila na sinasabing pawang kasinungalingan ang mga satsat at upak ng mga tumestigo. At kung pinakinggan ang kanyang pang-Famas na arte sa harap ng mga imbestigador, bakit siya ngayon nasa likod ng rehas na bakal? Oo nga hane? Sige, manimbang tayo:

******

Kung sakaling makakagawa si Aling Leila ng eksena upang baliktarin lahat ang mga paratang sa kanya, papaano na ang Lords na kumalaban sa kanya? Hindi kaya matutunaw ang peluka ni DOJ Secretary Aguirre sa sama ng loob? Tiyak na siya naman ang magdadadakdak ng todo, di ba? Pati na mga otoridad na nagdiin kay Leila, isama na ang mga lumitis sa kanya sa Senado tiyak na maghuhukay din ng butas upang itago ang kanilang mga mukha, di ba? At siguro, gagawa rin si Leila ng eksena upang parusahan ang lahat ng mga taong nanduro at umupak sa kanya. Kasama kaya sina Bato at Digong? Natural kasama. Alam niyo naman kung bumunghalit ng galit si Aling Leila. Muli kaya silang magsasama sa silong ng iisang bubong ng kanyang driver-bodyguard-lover na si Ronnie? Buhay na naman sila sa saging, he he! Yan ang mga pangitain kung sakali. Tanong: magaganap kaya ang mga ito?

******

Kung babaliktarin natin ang sinundang sakali ng mga eksena sa taas, ano kaya ang mangyayari? Saan kaya babagsak ang palad ni Manang Leila? Kung guilty sa mga paratang, shoot at swak siya sa bilibid. Hmmm siyempre magkikita na sila ng kanyang mga panyero. Magkakaroon na rin siya ng kubol. Baka magpopromote na rin siya ng mga show at gagamit ng mga artista. Susmaryusep, baka lalong lalaki ang problema sa droga sa bilibid pag nagkataon. At kung guilty din si Ronnie, magsasama na sila (bilang lovers) sa Bilibid? Sus ginoo! Kulang na ang espasyo, marami pa naman sana akong upak. Next time na pards para bitin. Masakit at masarap din ang bitin kung minsan e. Tapik: ang mga nabasa ninyo ay mga kurukuro sa eksenang: kung sakali, saan patungo si Leila? Amen. Adios mi amor, ciao, mabalos!