Gapu ti panangpaltog, Abra mabalin nga ipasidong ti Comelec control: Cawis

April 28, 2019 Provincial

BANGUED, Abra – Kinuna ti maysa nga opisial ti Commission on Elections (Comelec) ditoy idi napalabas nga Martes nga iti resulta ti imbestigasion nga insayangkat ti Joint Security Coordinating Center (JSCC) maipanggep ti dua nga insidente ti panangpaltog sadiay ili ti
Tayum, ket mangikeddeng nu maipasidong iti probinsia iti turay ti Comelec wenno saan.
Kinuna ni Comelec-Abra election officer Dexter Barry Cawis nga imbilin ti Police Regional Office Cordillera ti maysa nga imbestigasion iti dua nga insidente ti panangpaltog nga napasamak sadiay Tayum agarup 9:00 ti bigat idi napalabas nga Martes.
Iti maysa nga report nga naawat ti media ket kinuna na nga iti maysa nga biktima nga karaman ket maysa nga kandidato ti PDP-Laban para konsehal nga nakuna nga pinaltogan ti maysa nga barangay chairman ti ulona, bayat nga iti maysa met nga biktima ket napuntaan ti maysa nga bala iti saka na bayat nga pinaputukan met ti maysa nga kandidato ti pagka-mayor iti lugan dagiti grupo ni Budac batangay chairman.
Naipadamag nga dagiti insidente ti panangpaltog ket agsasarun nga napasamak kabayatan iti kampania sadiay Anananao, Budac, Tayum.
“Nasken nga mapasingkedan nu ania ti agpaysu nga napasamak idiay Tayum. Kadawyanna nga iti maysa nga police report ket ngumato idiay rehion ken maiyawat idiay JSCC ken maitulod idiay Comeelc en banc nga isu mangikeddeng nu ipasidong daytoy ti turay ti Comelec.” Kuna ni Cawis.
Indeklara ti Comelec iti Abra a kas “hot spot” idi Marso 19. Kinuna na nga sinanama da nga awanen ti insidente nga mangburibor iti talna ken urnos iti probinsia.
Kinuna ni Cawis nga iti maysa nga lugar nga naipasidong iti turay ti Comelec gapu ti isyu iti talna ken urnos ket maipaiman iti Comelec en banc.
“Mabalin nga ikkaten wenno iyakar ti asinuman nga pulis, aniaman nga miembro ti AFP (Armed Forces of the Philippines) wenno PNP (Philippine National Police), mangaramid iti task force tapnu maaddaan iti turay nga administratibo kadagiti deputado nga ahensia,” kunana.
Kinuna ni Cawis nga madama nga pagsasaritaan ti PNP, AFP ken Comelec iti panagsagana ti kinatalged daytoy dumteng nga May 13 mid-term elections.
 
PNA/PMCJr/ABN