KALIPI Region 1 Conference naangay sadiay La Union

June 10, 2019 Provincial

SIUDAD TI SAN FERNANDO, La Union – Iti gobierno ti probinsia iti La Union (PGLU) babaen ti Provincial Social Welfare and Development Office (PSWDO) ket nakipagtinnulong iti Department of Social Welfare and Development (DSWD) ken iti City Social Welfare and Development Office (CSWDO) nga nangsangaili iti Kalipunan ng Liping Pilipina (KALIPI) Region 1 Conference ken panangbisita iti lugar ti proyekto idi Mayo 29 – 31 sadiay La Union Technology and Livelihood Development Center, ditoy.
Panggep iti aktibidad nga ikkan billeg dagiti miembro iti akemda iti panangbangon iti nasion. Dagiti nakipaset ket naikkan ti baro nga impormasion iti nadumaduma nga programa ti DSWD. Timmabuno iti nasao nga aktibidad dagiti opisiales ti Regional KALIPI manipud siam nga siudad ken uppat nga probinsia iti La Union.
Idi maikadua nga aldaw iti komperensia, napadasan dagiti nakipaset iti “on-site” nga panangbisita iti dadduma nga income generating projects iti KALIPI-City of San Fernando kas iti Ube Wine Making sadiay Barangay Langcas ken iti Lemon Grass Tea Making sadiay Barangay Pagdalagan, agpada nga adda sadiay Siudad ti San Fernando, La Union.
Naikkan met dagiti timmabuno iti samples iti naaramidng produkto tapno maitandudo dagiti produkto iti sabali nga local government units iti intero nga rehion.
Iti nabiit pay ket sinangaili ti PGLU iti pannakaangay iti Skills Training on Longganisa Making para kadagiti miembro iti KALIPI-La Union ken kanayon a mannakitinnulong iti nadumaduma nga programa ken proyekto iti sector ti babbai iti probinsia.

ZDS,GPC-PSWDO/PMCJr.-ABN