Paglalagay ng solar na cable car sa Baguio, pinag-aaralan

March 24, 2018 Metro BLISTT

Nag-alok na magsagawa ng feasibility study para sa operasyon ng solar-powered cable cars sa lungsod ng Baguio ang isang lokal na construction company na may kaugnayan sa isang United States-based developer ng solar-powered surface transportation system.
Ayon kay City Information Office Chief Aileen Refuerzo, nakatanggap si Mayor Mauricio Domogan ng unsolicited proposal mula sa Ryanyx Construction and General Sevices, isang local representative ng US-based firm na Transit X LLC, upang magsagawa ng pag-aaral at suriin ang posibilidad ng pagkakaroon ng “high-capacity solar-powered automated elevated pod networks” sa lungsod.
Ang proposal ay ginawa ng presidente ng kompanya at Chief Executive Officer Rufino Barinan, ayon kay Refuerzo.
Aniya, inatasan ng alkalde ang city legal office upang gumawa ng draft ng memorandum of agreement sa proposal.
Ani Refuerzo na tinatanggap ni Domogan ang proposal, na maaaring ialok para masolusyunan ang problema sa trapiko at air pollution ng lungsod.
Base sa proposal, ang pag-aaral ay gagawin nang walang gagastusin ang lungsod, ani Refuerzo.
Isasama sa aktibidad ng lokal na kompanya ang pagkilala sa mga angkop na lugar para sa alternatibong transport system at ang madaling pagkuha ng right-of-way at air rights.
Sakop sa pag-aaral ang environmental impact assessment ng proyekto, gayundin ang epekto sa livelihood ng public utility vehicle operators ng lungsod.
Inilarawan sa proposal ng Transit X transport system bilang “a suspended, ultra-narrow gauge rail network with ultralight pod vehicles and a 100-percent automated network that is high capacity and provides a non-stop single-set travel from origin to destination on an exclusive right-of-way”.
“The pods, each carrying between one and five people, quietly cruise above traffic suspended from a track and destinations are specified prior to boarding through mobile phone of Transit X kiosks,” ayon sa proposal.
“It is a fully automated transportation network with high-capacity interchanges that provide fast, congestion-free travel and has a minimal footprint on roads or sidewalks, often less area than streetlights and bus shelters,” saad pa nito.
Ani Refuerzo, ang parehong cable car proposal ay natanggap ng lungsod mula sa isang Swiss company maraming taon na ang nakalipas. Ang naunang proposal ay dapat na isasama sa development ng Camp John Hay, kasama ang cable system na tatakbo mula sa pasilidad patungong Mt. Sto. Tomas pababa ng Poro Point sa San Fernando, La Union. Subalit, ang plano ay nawalan ng bisa matapos ang economic recession na tumama sa maraming Asian countries noon. LAGOOT, PNA / ABN