6k Narvacenos nakaawat iti libre a broiler chicks manipud LGU

June 8, 2020 Provincial

SIUDAD TI VIGAN – Nagibunong iti local government unit (LGU) ti Narvacan nga indanguluan ni Mayor Luis “Chavit” Singson iti broiler chicks iti agadup 6,916 rehistrado a mannalon, mangngalap ken empleado ti LGU iti munisipalidad.
Inyussuat iti LGU ti programa a “Manokan iti Arubayan” kas maysa kadagiti Coronavirus Disease 2019 (COVID-19) nga addang ken inisyatibo a tulong, nga mangted iti walo a broiler chicks kada rehistrado a mannalon ken mangngalap.
Iti pakete ket kompleto nga addaan maysa nga waterer, chicken booster, ken vitamins sigun kenni Sangguniang Bayang Member ken Chairman ti Committee on Agriculture Fishery and Aquatic Resources Joven B. Ampo Jr.
“Two weeks lang naman na pakainin ng feeds pwede na pakawalan at magiging free
range na. Sakto din ito sa panahon ng transplanting ng rice pwede na rin mga manok, malaking pakinabang sa kanila may pang ulam sa panahon ng taniman,” kunana.
17,000 a broiler chicks iti naibunong kadagiti umuna a batch ti recipients daytoy napalabas a lawas ken 20,000 pay iti naiwaras idi Martes para iti maikadua a batch.
“Next week, isasama na namin sa distribution ng seeds, intended lamang para sa mga senior citizen, ang distribution para sa mga fishermen at mga barangay na hindi pa nabigyan ng broiler chicks,” kinunana.
Kinuna ni SBM Ampo nga amin nga empleado ti LGU, uray dagiti job orders ket makagun-od manipud iti nasao nga programa.
“Ininclude namin ang mga empleyado ng munisipyo para may maipundar din sila na livelihood.
Kapag cash kasi minsan pinangbi-bisyo o luho at walang naipo-pondar. Para maturuan din silang maging malikhaon sa pamumuhay.
At ito kasing pag aalaga e matagalan na mapapakinabangan kasi pwedeng every week pwede mag ulam ng manok,” kunana.
Bayat iti panangibunong idi Martes, kinuna ni Municipal Administrator Atty. Pablo Sanidad II nga iti ili ti Narvacan ti kaunaan nga nangisayangkat iti daytoy a programa iti intero a probinsia ti Ilocos Sur.
Kasta pay, kinuna ni SBM Ampo nga kabayatan iti enhanced community quarantine, nangibunong iti LGU iti disinfectants ken alcohol kadagiti amin nga sangkabalayan iti munisipalidad ken iti relief distribution ket namitlon nga naaramid.
JMQ-PIA IS/PMCJr.-ABN