AGSUSUPADI TI RIKNA DAGITI BAGUIO LOCALS MAINAIG ITI HOUSE BILL 7757

April 22, 2023 Metro BLISTT

BAGUIO CITY

Naglaok ti emosion dagiti lokal ti Baguio mainaig iti naisingasing a House Bill a mangregulate iti Paluwagan. Kabayatan ti interbiona, imbaga ni Bogsi Ubaldo, residente ti Baguio City, nga umanamong daytoy iti House Bill ta makatulong daytoy a mangkissay kadagiti instansia dagiti kolektor ti Paluwagan a tumaray kadagiti kameng ti paluwagan. “Para mabantayan ung pera and maiwasan ung mga scammers na pagnakuha na ung share nila di na magbabayad ulet, or kaya tatakbuhan na. Para din sa security namin,” kinuna ni Ubaldo.

Idinto a kontra ni Jerico Cabras ti HB, Kaykayatna ti tradisional a wagas ti Paluwagan ta nalaklaka ti panangimaneharda. Segun ken ni Cabras, “Mas maganda parin ung traditional, para di na mahirapan when it comes to pagbibigayan ng pera sa mga kasama sa paluwagan.” Ti naisingasing a
Community Paluwagan Microfinance Act (HB7757) ket inyam-ammo da Manila Teachers party-list Rep. Virgilio Lacson ken SAGIP party-list Rep. Rodante Marcoleta.

Daytoy a bill ket agsapsapul a mangregulate ti organisasyon ken operasyon dagiti ‘Paluwagans’. Ti Paluwagan ket maysa a porma ti microfinance ti komunidad; maysa daytoy a tradisional nga aramid dagiti Filipino a pagtitiponen dagiti pondo ti panagurnong a gagangay kadagiti nasinged a
gagayyem ken kakaduada a panggepna ti agurnong ken agaramid iti sangkabassit a gatad para iti sumagmamano a pinansial a kalat kas iti dakdakkel a panaggatang iti tiempo ti naikeddeng a
pannakasubbot wenno panagbayad.

Iti babaen daytoy a gakat ti maysa nga independent agency, ‘ Paluwagan Microfinance Administration’, ti mangikeddeng kadagiti pagannurotan ken pagannurotan para iti pannakaparsua ken pannakairehistro ti paluwagan. Siasinoman a kayatna ti mangbukel iti paluwagan ti komunidad nga addaan iti pito wenno ad-adu pay a miembro ken agnanaed wenno agtartrabaho iti komunidad ket masapul nga agparehistro. Kalikaguman pay ti nasao a wagas ti pannakaipasdek ti Paluwagan Insurance Fund, a mangidepensa kadagiti kameng ti insured a Paluwagan no bilang ta agsardeng ti negosio ti amoda.

Kate Juri Castañeda-UB Intern/ABN