Buwan ng pamilya, ipagdiriwang ngayong Setyembre

August 27, 2017 Metro BLISTT

Nakatakdang ipagdiriwang ang Buwan ng Pamilya o Family Month ngayong buwan ng Setyembre na ang tema para sa taon 2017 ay “Pamilya ang Pundasyon ng Sambayanang Pilipino”.

Kasama sa iba’t ibang aktibidad sa isang buwan na pagdiriwang ang Family Day para sa mga day care family sa iba’t ibang sentro ng pag-unlad ng bata, programa ng Family Enrichment para sa mga piling pamilya na isinasagawa ng Church of Jesus Christ of Latter Day Saints, ang Family Potluck ay maglilingkod bilang araw ng pamilya sa iba’t ibang barangay.

Ang Baguio City Police Office ay magsasagawa ng “Boxing at the Park” sa Setyembre 2 sa Malcolm Square.

Nauna rito ang paglulunsad ng pagdiriwang ng buwan ng pamilya ay idaraos sa Baguio City Hall sa ika-4 ng Setyembre at sa ika-6 ay isang Kapihan sa Lungsod na pagpupulong ng Social Welfare and Development Office ang magaganap.

Ang mga mag-asawa na sumali sa mass wedding ay sasailalim sa isang pagpapayo sa pagpapalaganap ng maayos na pagsasama ng mag-asawa na gaganapin sa Multi-Purpose, City Hall sa Setyembre 14 at magkakaroon rin ng pagtitipon para sa alternatibong pag-aalaga ng pamilya sa mga prospective adoptive parents sa Baguio City Multi-purpose hall sa Setyembre 19.

Ang mass wedding ay gaganapin sa Baguio Convention Center sa hapon ng Setyembre 22 at ang dalawang araw naman na Family Fair at Exhibit ay isasagawa sa CJCLDS sa SM Atrium sa Setyembre 22 at 23.

Ang Balikatan sa Kaunlaran (BSK) sa koordinasyon ng civil registry office ay magsasagawa ng lektura ng civil registration sa Setyembre 26.

Matapos ang pagdiriwang ng isang buwan, ang Federation of Baguio Senior Citizens Association (FBASECA) ay magsasagawa ng Intergenerational Activity “Growing Together” para sa senior citizen at kabataan sa Senior Citizen Center sa Setyembre 30.

Samantala, ang BSK ay nagsasagawa ng mga Family Against Drugs (FAD) sa mga magulang ng mga day care children mula Agosto 15 at natapos noong Agosto 23.

Noong Agosto 25, ang gobyerno ng Baguio sa pamamagitan ng tanggapan ng serbisyong pangkalusugan ay nagsagawa ng Health Fair #ChampionForHealth sa Baguio Convention Center na pinakinabangan ng mga residente ng Baguio ang libreng dental at optical services, HIV testing, dipstick screening, nutritional assessment, pneumonia vaccine para sa mga matatanda, Ventosa, repraksyon at salamin sa mata para sa mga nangangailangan at marami pang iba.

Gayundin, ang mga lecture sa kalusugan at iba pang may kinalaman na impormasyon ay isinasagawa upang matulungan na turuan ang publiko kung paano protektahan ang kanilang kapakanan at magkaroon ng malusog na pamumuhay. ABN