Dagupan ilulunsad ang cultural mapping sa tulong ng NCCA

February 24, 2018 Provincial

LUNGSOD NG DAGUPAN – Ilulunsad ng Dagupan ang isang cultural mapping program sa tulong ng National Commission on Culture and the Arts (NCAA) sa layong protektahan at panatilihin ang historical at cultural sites ng lungsod gayundin ang mga ala-ala (relics) para sa pakinabang ng susunod na henerasyon.
Ito ay matapos pirmahan ni Mayor Belen Fernandez noong Lunes (Pebrero 19) ang isang memorandum of understanding kasama ang mga opisyal ng NCAA para sa pagsasagawa ng proyekto sa isang seremonya sa City Museum.
Kinatawan ng NCAA sa pirmahan si John Delan Robillos, vice head ng sub-commission on heritage ng NCAA, at Diwata Arawiran, NCAA project manager on cultural mapping.
Sinamahan ni city councilor Jeslito Seen, chairman on the culture and the arts ng Dagupan city council, si Mayor Fernandez.
Sinabi ni Seen na mahalaga ang proyekto dahil dalawang lugar lamang sa Dagupan ang idineklarang may historical at cultural value.
Ito ay ang lumang simbahan ng Dagupan na kung saan ang mga bakas ng huling sagupaan ng Spanish army laban sa mga Katipunero sa pamumuno ni Heneral Francisco Macabulos, gayundin ang landing site ng Liberation forces sa Bonuan Blue Beach.
Dumalo rin sa pirmahan sina city councilors Dennis Canto at Marcelino Fernandez, city administrator Farah Marie G. Decano, Dagupan Historical Culture and the Arts Office head Zenaida Sinlao, at Tourism Office head Sharon Maramba.
Kaugnay ang MOU sa Local Government Code na humihikayat sa mga local government units (LGUs) na siguruhin at suportahan ang preserbasyon at paglinang ng kultura sa kani-kanilang hurisdiksiyon.
Sa kasunduan ay kapuwa nagkasundo ang lokal na gobyerno at NCAA na magsagawa ng cultural mapping program sa lungsod sa kolaborasyon at koordinasyon ng bawat isa.
Pumayag din ang NCAA na magsagawa ng capability-building seminar-workshops para sa stakeholders na magsasagawa ng cultural mapping; magbigay ng technical assistance at mentoring sa buong panahon ng proyekto; magbigay ng transportasyon ng cultural mapping workshop facilitators sa lokalidad; at magbigay ng honoraria para sa cultural mapping workshop facilitators.
Sa kabilang dako ay isasa-ayos ng lungsod ang implementasyon ng proyekto; i-organize ang mga kalahok at local mappers para sa training workshop; magbigay ng logistics needs sa iba’t ibang yugto ng proyekto; magpasa ng mga ordinansa o resolusyon na susuporta sa proyekto; siguruhin ang tuloy-tuloy na implementasyon ng mga yugto ng proyekto hanggang matapos; at tumulong sa ibang LGUs sa Cultural Mapping Projects.
Sa isang briefing ay inihayag ni Mayor Fernandez ang kaniyang plano na ibalik ang mga guho ng Franklin Bridge, na dating nasa ilog ng Calmay hanggang sa ito’y sirain ng malaking baha noong 1932.
Plano ng iba na i-rehabilitate ang General MacArthur Park, ang lumang city hall, ang jackstones sa Tondaligan, ang water tower, ang lighthouse at ang Leonor Rivera piano na muling nakuha ng lungsod noong nakaraang taon mula sa Hiyas ng Bulakan Museum sa Malolos. PNA / ABN