Suplay ti bagas, kontrolado ti gobierno – NFA La Union

March 3, 2018 Provincial

SAN JUAN, LA UNION – Impanamnama ti National Food Authority (NFA) iti probinsia a saan a baybay-an ti gobierno nga agbisin dagiti umili iti laksid ti nakurang a supply ti bagas ti ahensia.
Segun kenni Engr. Fortunato Bulao, provincial manager ti NFA-La Union, adda laengen 692,453 nga sako ti bagas ken kanayunan a production nga 115,375 sako iti probinsia.
Maibasar daytoy iti datos ti ahensia idi Pebrero.
Ngem gapu ta ti inaldaw a rice consumption ti probinsia ket 5,800 sako wenno 162,400 sako iti makabulan, ti stocks ti bagas ket manamnama nga agbayag laeng iti uppat a bulan wenno inggana Mayo.
Adda ti agarup 8,000 sako ti bagas kadagiti warehouse iti NFA-La Union. Manipud ditoy, 2,000 sako ti nakalasin a mausar kadagiti emergency relief operations.
“We are anticipating that the importation of rice will come just in time before the lean months,” kinuna ni Bulao.
Ngem impanamnamana kadagiti umili, “the government is on top of everything” ken “President Rodrigo Roa Duterte will not allow anyone to get hungry,” innayon na.
Adda pakabuklan a 250,000 metric tons wenno 400,000 sako ti imported a bagas ti ekspektaren ti Region 1 inton Hunio ngem 75,000 sako laeng ditoy ti maala ti La Union.
Sinigurado ni Bulao nga awan ti rice cartel wenno rice hoarding iti probinsia.
Ti presyo ti bagas ti NFA ket adda iti P32 kabayatan a ti average a presyo ti commercial rice ket P43.50. Ti buying price ti palay ket adda iti P17.70 per kilo. JDS, PIA-La Union / ABN