TPLEX malpasen inton Setyembre

June 10, 2019 Provincial

SIUDAD TI SAN FERNANDO – Iti maikatlo ken maudi nga benneg ti Tarlac- Pangasinan-La Union Expresway (TPLEX) ket malpasen inton Setyembre iti daytoy a tawen.
Daytoy ti impakaammo ni Project Manager Romeo Vergara, TPLEX independent consultant iti kabayatan ti Kapihan sa Ilocos iti Philippine Information Agency Region 1 idi Mayo 29.
Kinuna ni Vergara nga iti 89.21- kilometro nga proyekto ket nabingay iti tallo a benneg isu nga iti Seksion 1 ken 2 ket nasapsapa nga nakompleton.
Iti seksion 1 ket manipud Tarlac inggana Rosales, Pangasinan bayat a ti seksion 2 ket manipud Rosales inggana Urdaneta City, Pangasinan.
Kabayatanna, iti Seksion 3 ket mangikonektar iti Siudad ti Urdaneta ken Rosario, La Union.
“Iti madama, iti Seksion 3 ket maar-aramid nga addaan overall accomplishment iti proyekto nga 92.51 porsiento,” kuna ni Vergara nga innayon na pay nga iti proyekto ket “on schedule.”
Kinuna pay ni Vergara nga, “Sinanama kami nga iti pannakalpas iti proyekto ket inton Setyembre.”
Iti PhP34-billion expressway project nga impatungpal iti Department of Public Works and Highways ket karamanan iti design, financing, construction, operation, ken maintenance iti pribado nga sektor.
Oras nga makompleton, iti proyekto ket namnamaen nga mapabassit iti oras ti panagdaliasat agingga maysa oras manipud iti madama nga 3.5 nga oras nga mainanama iti 20,000 lugan iti inaldaw.
Kasta met maparegta iti irarang-ay ti rehional nga ekonomia ken mapabileg dagiti aktibidad iti turismo iti Amianan Luzon.
 
JNPD-PIA-LU/PMCJr-ABN